Меурчиња вредни како злато - листа на најдобрите шампањи за уживање, но и за инвестирање

Во светот на луксузот, шампањот стана многу повеќе од пијалак за посебни пригоди. Потрошувачите сè почесто купуваат престижни шишиња за да ги чуваат наместо за да ги пијат. Пазарот на престижен шампањ постојано расте, дури и за време на глобални кризи.

Champagne 50, кој е дел од индексот Liv-ex Fine Wine 100 - најпознатиот индекс за следење на цените на фини вина и шампањи, во некои моменти беше поголем од индексот на раст на цените на златото. „Забележа драстичен раст помеѓу август 2021 и октомври 2022 година, време кога порасна за 60,4 проценти. Оттогаш падна за 29,9 проценти, но сè уште е на високо ниво“, објаснува за „Блумберг Адрија“ Том Бурчфилд, главен аналитичар на пазарот од Лив-екс (Liv-ex), водечка светска платформа за анализа на пазарот на вина.

Тој наведува дека шампањот сочинуваше 11,6 од вкупната трговска вредност во 2024 година, зацврстувајќи ја својата позиција како трет најзначаен вински сегмент по вредност, веднаш зад бордо (36,4 проценти) и бургунди (22,7 проценти).

Liv-ex Champagne 50 index

 

Ако сепак ги сакате звукот на меурчиња во чашата и свечената атмосфера што ја носи, откриваме кои брендови носат најголема вредност, како во чашата, така и на банкарската сметка.

Бурчфилд вели дека пазарот на шампањ е доминиран од главните брендови, како „Луј Родерер“ (Louis Roederer) и „Дом Перињон“ (Dom Pérignon), при што „луј родерер кристал 2015“ (Louis Roederer Cristal 2015) е водечки како најтргуван шампањ по вредност и обем. „Последната забележана продажба на овој шампањ изнесуваше 3.380 фунти за кутија од 12 шишиња“, вели тој и додава дека тоа се однесува на секундарниот пазар. За редовна продажба ја препорачува бербата од 2012 година, која прва доби сертификат за биодинамичко производство и чини 345 долари.

„Дом Перињон“ исто така бележи постојано висок обем на трговија, при што бербата од 2013 година е најтргувана годинава, вели Бурчфилд. „Овие брендови се произведуваат и консумираат во големи количества, што ги прави една од најликвидните категории вина на пазарот“, истакнува нашиот соговорник.

Dom Perignon

Од другите, го издвојуваме безвременскиот класик „круг винтиџ брут 2006“ (Krug Vintage Brut 2006), омилен меѓу познавачите на шампањи. Во последните пет години цената на бербата од 2006 година порасна за 57 проценти. Сè уште претставува релативно поволна купувачка, бидејќи чини околу 400 долари, половина од нешто подобро оценетата берба од 2008 година.

Посебна нота на шампањската сцена предизвика „арман де брињак“ (Armand de Brignac) на Џеј Зи - познат како „ејс оф спејдс“ (Ace of Spades), кој ја прошири понудата на винтиџ шампањи. Премиум етикетата „блан де ноар винтиџ 2015“ (Blanc de Noirs Vintage 2015) се продава по цена од 3.400 долари исклучиво во магнум шишиња од 1,5 литар. Произведени се само 1.258 шишиња, а цената ја одразува неговата реткост.

Шампањите „арман де брињак“ во редовни големини обично се наоѓаат по цени од 300 долари и нагоре, но магнум шишињата често се користат за прослави.

„Винтиџ рер брут милесиме“ (Vintage Rare Brut Millesime) е помалку познат пенлив пијалак и првпат беше претставен во 1976 година. Винската критичарка Елин Мекој од „Блумберг“ објаснува дека цените на постарите берби бележат постојан раст, бидејќи се реализирани само 12 берби. Изданието од 2008 година може да се најде за 175 долари.

Инвестирањето во шампањ датира од 18 век, а доколку ве интересира кои се најскапите шампањи, подолу е листата, како и интересните факти што ги придружуваат овие пијалаци.

 

 

Зошто сè повеќе се цени розе шампањот 

Еден од трендовите што вреди да се разгледаат како дел од портфолиото и домашниот бар е розе шампањот. Последниве години тој го привлекува вниманието на инвеститорите и покажува голем потенцијал со текот на времето.

Тој обично е нешто поскап од белиот, бидејќи процесот на производство е покомплексен. Покрај тоа, танините од црвеното вино што се додаваат во мешавината можат да го зголемат потенцијалот за стареење и да му овозможат на виното да ја задржи својата структура подолго. Затоа, постарото розе, кое е поретко, ќе биде сè побарано од колекционерите.

„Дом перињон розе“ беше првиот некогаш произведен винтиџ „моет и шандон“ (Moët & Chandon) во ограничено производство, а цените (вратете се на листата) достигнуваат и десетици илјади евра.

Како подостапни варијанти што ќе ја разубават секоја пригода ги издвојуваме „моет и шандон розе империјал“ (Moët & Chandon Rosé Impérial) - околу 78 евра. Пријатна е бојата на лосос, со палета на вкусови со ноти на малина, јагода и благи зачински тонови. Нешто поскап (околу 99 евра) „лоран-перие куве розе“ (Laurent-Perrier Cuvée Rosé) е направен од 100 проценти пино ноар и е еден од омилените во комбинација со јадења. Интензивен е и има пријатно чувство на непцата.

Krug

 

Како да ја зачувате вашата инвестиција

Важно е вредниот шампањ да го чувате во безбедна и топлински контролирана средина, со температура помеѓу седум и 12 Целзиусови степени. За да избегнете какви било оштетувања од светлина, складирајте го во темна просторија.

За оние што одлучуваат да уживаат во шампањот полека, па не го пијат докрај, на пазарот постои и одредена понуда на стопери (затворачи), од кои некои се и пригоден подарок за љубителите на меурчињата. Цените се движат од само шест евра за пластичните до нешто поелегантни верзии за 15 евра.

Шампањот како одличен начин за започнување разговор

Чаша пенливо вино е традиција на прославите, со намера гостите да се опуштат и да воспостават комуникација. Но темата е и одличен начин за започнување инспиративен разговор. Уште поинтересно од самиот шампањ може да биде филм за шампањот. Првиот предлог е филм за жената што е заслужна за тоа што „Вев Клико“ (Veuve Clicquot) е една од најмоќните шампањски куќи денес.

Барбе Никол Клико Понсарден во 1805 година, по самоубиството на нејзиниот сопруг, го презема и го води имотот, па, и покрај отпорот на околината, продолжува со експериментите за да го постигне совршенството на она што стана култниот „комет“ винтиџ. Со финансии во хаос и Наполеоновите војни што ја попречуваат трговијата, таа смислува тајна мрежа за продажба со помош на шармантниот брокер Луис Боне.

Ако сакате да бидете инспирирани, но и информирани директно од најпознатите шампањски куќи, препорака е документарецот „Sparkling: the Story of Champagne“.

Во моментов нема коментари за веста. Биди прв да коментира...

Остави коментар