Се повеќе Американци се селат во Европа, заминуваат преку Атлантикот поради порастот на трошоци на живот, зголемените цени на домовите, растот на доларот и домашните политички тензии.
Италија, Португалија, Шпанија, Грција и Франција се некои од најпопуларните дестинации. Sotheby’s International Realty соопшти дека барањата на Американци кои сакаат да се преселат во Грција пораснале за околу 40% во периодот април – јуни, во споредба со истиот период лани. Во Франција и Италија, американските барања се највисоки во последниве три години, според експертот за недвижнини од Knight Frank, Jack Harris. Американците донеле речиси 12% од добивка на италјанскиот Sotheby, во првиот квартал, во споредба со петте проценти во истиот период лани.
Во минатото, главни американски купувачи во Европа беа пензионерите и побогатите. Но, релативно пониските цени на домовите, особено во помалите градови, како и можноста за работа од дома, го направија континентот атрактивен за многу поширока група на луѓе, вклучувајќи ги и помладите, кои не можат да си дозволат да купат дом во сопствената држава. Зголемениот криминал во некои американски градови, како и политичката поделба, исто така ги тера Американците да гледаат преку океанот за помирен живот, поттикнати и од еврото што за прв пат по 20 години е на исто ниво со доларот.
Стефани Синклер, 40, од Атланта секогаш сакала дом во Италија, сонот и се оствари годинава во април. Плаќала по 3000 долари месечно за да изнајмува четирисобна куќа за нејзе и нејзниот син. Откако цените на пазарот со недвижности вивнаа, сфатила дека нема да може да купи сопствен дом без 300.000 долари кеш. Заминала за Италија, земјата што отсекогаш ја сакала, купила куќа на Сицилија по цена од 60.000 евра.
„Никогаш немаше да купам дом во Италија ако американскиот пазар не полудеше“, вели таа.
„Растечките трошоци за живот направија животот во големите американски градови да е многу поскап отколку во европските“, вели Michael Witkowski, потпретседател на консултантската куќа ECA international.
„Високите цени на недвижностите, силниот долар и политичките тензии се фактори кои придонесуваат за селењето во Европа“, вели тој
Атрактивна дестинација за Американците е и Португалија. Бројот на американските граѓани во оваа земја е зголемен за 45 осто лани споредено со 2020. Во Шпанија, каде живеат најголем број од Американците во Европа, бројот на американските државјани расте со стапка од 13 отсто меѓу 2019 и 2021. Трендот продолжува и годинава.
За да ги привлечат странците, Шпанија и Португалија нудат таканаречени златни визи – програма која обезбедува државјанство за тие што ќе инвестираат од 350.000 до 500.000 евра.
.webp){kind=icon}
Во моментов нема коментари за веста. Биди прв да коментира...