Младите беа навистина, навистина разочарани што не можеа да патуваат во Јапонија за време на пандемијата. Тие го надоместија тоа, во голем стил, во текот на 2023 година.
Јапонија, една од последните земји што повторно ги отворија своите граници, стана најбрзорастечка дестинација за милениумците и генерацијата зед во 2023 година, според „Американ експрес“ (American Express). Резервациите се зголемени за повеќе од 1.300 отсто во споредба со „нормалната“ претпандемиска 2019 година, тврди компанијата.
Податоците се појавуваат заедно со годишната листа на трендовски дестинации на „Американ експрес“ објавена во вторникот, која предлага места за посета во 2024 година врз основа на резервациите од членовите на картичката и препораките од консултантите на „Амекс травел“ (Amex Travel). На пример, ако патниците ги сакаат културата и природната убавина на Седона, Аризона, на американскиот југозапад, компанијата предлага, наместо тоа, да го посетат Санта Фе, Ново Мексико. Извештајот за глобалните трендови на „Амекс“, објавен годинава, покажа дека 89 отсто од младите патници сакаат да посетат некое место на кое не биле никогаш, надвор од вообичаените туристички маршрути.
Некои од тие дестинации се најдоа меѓу првите пет најбрзорастечки дестинации во 2023 година: северната индиска провинција Раџастан, во која се градовите Џајпур и Удајпур, каде што резервациите се зголемија за над 600 отсто; и Сан Мигел де Аљенде, Мексико, каде што резервациите се зголемија за повеќе од 400 отсто.
Shiho Fukada/Bloomberg
Како и Јапонија, така и Австралија - каде што резервациите се зголемени за речиси 800 отсто од 2019 година - претрпе строги мерки за време на пандемијата, што го отежна патувањето таму; во случајот на Раџастан, продолженото страдање поврзано со бруталниот втор бран на пандемијата во Индија предизвика значително забавување на враќањето во нормала кога станува збор за патувањата.
„Побарувачката за овие дестинации го достигна врвот, а притисокот се ослободи токму годинава“, вели Одри Хендли, претседателка на „Американ експрес травел“.
„Јапонија беше на листата на патувања што ги сакаат луѓето, па патувањата сега се резервираат многу време однапред. Патниците сега исто така ја гледаат земјата и како потенцијална дестинација за скијање, а не само за да ги посетат вообичаените места како Токио и Осака“, вели таа.
На листата на петте најбрзорастечки дестинации за 2023 година исто така се најде и постојаниот хит што успеа да го одржи растот по силните перформанси во 2021 и 2022 година. Италија го зазеде четвртото место со пораст од над 500 отсто, додека Сан Мигел де Аљенде во Мексико забележа раст на резервациите од 400 отсто.
Други компании тврдат дека нивните податоци се движат во иста насока како и податоците на „Американ експрес“.
„Интересот за Јапонија порасна многу нагло“, вели Каролин Адисон, шефица на производи во луксузната туристичка агенција „Блек томато“. „На страната на продажбата забележавме зголемување на резервациите за Јапонија од 93 отсто во споредба со 2019 година и зголемување од 175 отсто во споредба со 2022 година“. Во апсолутни бројки, како што вели таа, тоа е втората најпопуларна земја во светот за патување годинава, веднаш зад Италија - доказ за зголемената привлечност на Јапонија во текот на целата година.
„Иако популарноста поради цветањето на црешите и празничните сезони никогаш нема да ослабне, некои клиенти го прифатија патување во лето и покрај жештините“, вели таа, додавајќи дека патувањето во Јапонија во зима исто така нагло се зголеми, како за скијање, така и за патувања водени од културата.
Гледајќи напред кон 2024 година, „Амекс“ го препорачува помалку познатиот град Порто Черво на Сардинија наместо многу посетениот град Амалфи. „Тоа е одлична алтернатива - сепак гламурозна, но не толку прометна“, вели Хендли. „Нашите клиенти не сакаат да одат на место што веќе го гледале насекаде на Инстаграм“.
Барате инспирација за 2024 година?
Ви ја откриваме листата на „Амекс“ за топ 10 дестинации:
• Ако ви се допаѓаат Сините Планини во Австралија, пробајте ги: Аделаида Хилс
• Ако ви се допаѓа Истанбул во Турција, пробајте го: Бодрум
• Ако ви се допаѓа Амалфи во Италија, пробајте го: Порто Черво
• Ако ви се допаѓаат Американските Девствени Острови, пробајте ја: Св. Китс и Невис
• Ако ви се допаѓа Сапоро во Јапонија, пробајте го: Нисеко
• Ако ви се допаѓа Ривиера Маја во Мексико, пробајте го: Сан Мигел де Аљенде
• Ако ви се допаѓа Седона во Аризона, пробајте го: Санта Фе во Ново Мексико
• Ако ви се допаѓаат Малдивите, пробајте ги: Сејшели
• Ако ви се допаѓа Агра во Индија, пробајте го: Удајпур
• Ако ви се допаѓаат Доломитите, пробајте го: Цермат во Швајцарија
.webp){kind=icon}
Во моментов нема коментари за веста. Биди прв да коментира...