Почекајте малку господине Маск, најбараните работи во автомобилската индустрија, најелектричните од електричните уреди, сега доаѓаат од „Хјундаи“ (Hyundai Motor Co.) и „Киа“ (Kia Corp.).
Претходно годинава, јужнокорејските производители на автомобили претставија два нови автомобила на батерии - Hyundai Ioniq 5 и неговиот брат, Kia EV6, кои веднаш се најдоа на врвот на продажните листи, претекнувајќи модели како Nissan Leaf, Chevrolet Bolt и секое друго електрично возило на автомобилскиот пазар кое не го направила „Тесла“ (Tesla). Во САД до мај годинава, Hyundai и Kia продадоа 21.467 примероци од овие два автомобила, надминувајќи го дури и блескавиот Ford Mustang Mach-E, модел кој го купиле 15.718 возачи.
„Од перспектива на електрични возила (ЕВ), тие всушност го чистат подот“, вели аналитичарот на „Едмундс“ (Edmunds), Џозеф Јун. „Искрено, не знам дали застапниците блиску до мене имаат нешто на залиха“, додава тој.
Bloomberg
Tesla сè уште продава многу повеќе автомобили, но на компанијата ѝ требаше една деценија да испорача онолку електрични возила колку што успеаја Hyundai и Kia за неколку кратки месеци. Дури и Маск беше импресиониран.
Се разбира, Hyundai не е стартап. Исто така дизајнот на моментно популарните автомобили започна пред околу шест години, според Стив Косовски, менаџер за долгорочна стратегија во „Киа Америка“ (Kia America).
Во тоа време, Chevrolet Bolt штотуку пристигна на пазарот и Kia размислуваше да произведе автомобил сличен по големина и волумен. На крајот, Косовски и другите смислиле нешто многу поголемо, поспортско и поелегантно - по малку повисока цена.
„Размислувавме, со платформата што ја имаме и со разбирањето за пазарот што го имаме, да составиме навистина храбар, продорен предлог. Сакавме гласно да кажеме дека Kia е тука“, се сеќава тој.
И тајмингот бил поволен. Популарноста на електричните возила расте во САД, благодарение на зголемената загриженост за климата и цените на бензинот. А, иако има возила на батерии, сè уште нема многу избор. Од околу 30 модели кои се продаваат на американскиот пазар, само неколку може да се купат за помалку од 45.000 долари, а повеќето се релативно мали, застарени автомобили како Nissan Leaf.
Ioniq 5 и EV6 нудат товарен простор на мал SUV, со големина и облик на возило што неодамна ги окупираше американските гаражи. Двата автомобилa се возат на иста модуларна платформа, имаат исти мотори и батерии и имаат слични спецификации за брзина. Тие се преплавени со екрани и се полнат според најбрзите стандарди во индустријата, додавајќи речиси 16 милји опсег во минута под идеални услови. Тие исто така нудат неколку нови функции: педали за прилагодување на регенеративното кочење и двонасочна моќност (можете да вклучите електричен алат или да напојувате друго електрично возило со еден од овие автомобили).
Со цена од околу 40.000 долари, тие привлекуваат клиенти со помал буџет кои инаку би купиле стартер лимузина, вели Јун од Edmunds. Сепак, внатрешноста е доволно кадифена за да повлече побарувачка и од врвот на пазарот, бидејќи возачите ги заменуваат своите луксузни автомобили кои имаат мотори со внатрешно согорување.
„Овие два автомобила се појавија по вистинска цена и со вистинска големина за многу купувачи“, смета Јун. „Мислам дека има ниво на вродена доверба кога голем производител ќе влезе во игра со мејнстримот“.
Bloomberg
Емад Зија и неговата сопруга планирале да нурнат во пазарот на електрични возила во време кога беа пласирани новите автомобили на Hyundai оваа зима. Двајцата сакаат спортски автомобили, по можност со рачен менувач, но во нивната гаража во Далас сакале нешто поголемо од Volkswagen Golf R и Mazda Miata. Се одлучиле за Ioniq 5 исклучиво врз основа на фотографии и спецификациите за брзина, а потоа нарачале EV6 кога не можеле да најдат Hyndai за цена блиска до онаа посочена во рекламите.
„Навикнати сме да имаме, не сакам да кажам аутсајдери, туку уникатни автомобили“, објаснува Емад Зија. „А, изгледот и уникатноста на овој автомобил едноставно не стареат“, додава тој.
Досега, приближно тројца од четворица купувачи на EV6 претходно возеле автомобил од друга марка, според Kia, а само еден од 10 претходно поседувал електрично возило. Сегашната листа на чекање за EV6 е долга околу шест месеци, а просечната цена на трансакцијата е неколку илјади долари над официјалната цена, според Bloomberg Intelligence, што сугерира дека повеќето клиенти се подготвени да платат повеќе.
„Нашите застапници известуваат дека овие автомобили се продаваат за неколку часа“, вели Ерик Вотсон, потпретседател за продажба во Kia America.
Косовски нагласува дека новите производи на компанијата Hyundai делумно ја користат „заситеноста од Tesla“ бидејќи првите седани и теренци стануваат сеприсутни дури и надвор од крајбрежните држави на САД. Исто така, сопствениците на Hyundai се држат до она што го знаат - од оние кои неодамна тргувале со Hyundai или Kia, околу 60 проценти не ја промениле марката, покажуваат податоците на Edmunds.
Hyundai планира да лансира нов автомобил на батерии секоја година до крајот на деценијата и троши 16,5 милијарди долари за зголемување на производството на електрични возила во Јужна Кореја. До 2030 година, производителот на автомобили сака да преземе 12 отсто од глобалниот пазар на електрични возила, околу 3,2 милиони автомобили и камиони.
„Тие дефинитивно имаат предност. Toyota и Subaru ќе треба да размислат дали може да ги стигнат“, вели Јун.
.webp){kind=icon}