Земјите од регионот Адрија продолжуваат да остваруваат економскиот раст водени од домашната побарувачка, инвестициите и силните пазари на труд што обезбедуваат стабилни темели. Главни предизвици и натаму остануваат извозот и глобалната неизвесност. Монетарните власти остануваат внимателни, со поблаги, но многу контролирани циклуси на намалување на каматните стапки, се наведува во најновата анализа на нашиот аналитички тим.
Целосната анализа на аналитичкиот тим на „Блумберг Адрија“ можете да ја прочитате на овој линк.
Македонија – се очекува стабилен раст годинава
Прочитај повеќе
Иселениците лани испратиле помалку пари во Македонија, што е причината?
Девизните дознаки, иако намалени во 2024, сочинуваат 16 отсто од БДП на Македонија
17.06.2025
Ребалансот на буџетот пред министрите - од каде ќе се крати
По растот во април, капиталните трошоци повторно забавија
16.06.2025
Понизок раст и повисока инфлација – НБРМ ги ревидира прогнозите
Наместо 3,3 отсто, НБРМ проектира дека БДП до крајот на годината ќе порасне за три проценти
20.06.2025
Фискален совет: Кост-бенефит анализа пред одлука за големи капитални инвестиции
Фискалниот совет изготви две сценарија за економскиот раст во Македонија.
20.06.2025
БДП на Северна Македонија порасна за 3 отсто на годишно ниво во првиот квартал на 2025 година, со поддршка од големите инфраструктурни проекти и силната приватна потрошувачка. Пазарот на труд се подобрува, а инфлацијата останува под контрола. Очекуваме продолжување на стабилниот раст во текот на 2025 година, предводен од инфраструктурата и зголемувањето на вработеноста.
Словенија – намалување на БДП во првиот квартал
БДП на Словенија се намали за 0,7 отсто на годишно ниво во првиот квартал на 2025 година, предизвикан од слабите инвестиции и негативниот нето-извоз. Приватната и јавната потрошувачка обезбедија ограничена поддршка, додека индустриското производство и извозот покажуваат слабеење поради забавувањето на економиите во еврозоната. Очекуваме домашната побарувачка и стабилниот градежен сектор да овозможат благо закрепнување во втората половина од годината.
Хрватска – слаб старт на туристичката сезона
Хрватскиот БДП порасна за 2,9 отсто на годишно ниво во првиот квартал на 2025 година, благодарение на силниот пазар на труд и инвестициите, додека приватната потрошувачка забави, а туризмот бележи пад на ноќевањата. Градежниот сектор останува клучен двигател на активностите. И покрај послабиот почеток на туристичката сезона, очекуваме одржување на позитивниот момент во текот на втората половина од годината.
Србија – БДП во првиот квартал под очекувањата
Српскиот БДП порасна за 2 отсто на годишно ниво во првиот квартал на 2025 година, помалку од очекуваното, поради падот на инвестициите и слабеењето на приватната потрошувачка, додека увозот порасна побрзо од извозот. Инфлацијата полека се намалува, но цените на храната остануваат високи. Очекуваме јавните инвестиции и растот на платите да донесат забрзување на активностите во втората половина од годината.
БиХ – продолжува позитивниот тренд во туризмот
БДП на БиХ порасна за 2,2 отсто на годишно ниво во првиот квартал на 2025 година, благодарение на силната приватна потрошувачка, растот на платите и кредитирањето, додека туризмот продолжува со позитивниот тренд. Градежниот сектор дополнително ја поддржува инвестициската активност. Очекуваме силната домашна побарувачка и стабилниот пазар на труд да продолжат да го поддржуваат растот во текот на годината.
Внимателно монетарно олабавување
Централните банки остануваат на патот на монетарно попуштање, но многу внимателно. ЕЦБ во јуни ја намали каматната стапка на 2 отсто, сигнализирајќи приближување до крајот на циклусот на намалување, во зависност од надворешните ризици. Народната банка на Србија го паузираше намалувањето на крајот на 2024 година, но се очекува продолжување на намалувањата во втората половина од 2025 година, со 3-4 потенцијални намалувања, доколку се потврди дезинфлацијата. Слично, Народната банка на Северна Македонија го паузираше намалувањето на почетокот од годината поради инфлациските притисоци, но се очекува продолжување на намалувањата во втората половина од годината.
Прогноза
Земјите од регионот Адрија влегуваат во втората половина на 2025 година со оптимизам. Домашната побарувачка и пазарите на труд остануваат цврсти, додека надворешната побарувачка и геополитичката неизвесност се клучни ризици. Инфлацијата постепено се нормализира, но останува чувствителна на енергетските и геополитичките шокови. Монетарната политика балансира помеѓу поддршка на растот и контрола на инфлациските очекувања.
Во моментов нема коментари за веста. Биди прв да коментира...