„Ербас“ и „Ролс-Ројс“ сè поблиску до договор со „Туркиш ерлајнс“ од 20 милијарди долари

„Туркиш ерлајнс“ треба да потпише договор со „Ролс-Ројс“ (Rolls-Royce Holdings Plc) и со „Ербас“ (Airbus SE) за домашно производство на компоненти за авиони во вредност од дури 20 милијарди долари, зделка што е дел од најавата што вклучува и купување мегаавиони.

Договорот би можел да биде објавен на церемонијата во Истанбул подоцна месецов, тврдат турски официјални претставници запознаени со ова прашање. Турската држава е најголемиот акционер во оваа авиокомпанија.

Водечкиот авиопревозник на Турција го потврди купувањето на 230 авиони од „Ербас“ во декември, со најава дека има опции да се купат и повеќе бидејќи авиокомпанијата се обидува да го зголеми својот центар во Истанбул и да се бори со регионалните ривали, како што се „Емирати“ и „Катар ервејс“. Како дел од нарачката, Турција се заложи за локално производство на делови за авиони, велат изворите.

Договорот за домашно производство на авионски делови е клучна компонента во целта на Турција да ја развие својата цивилна и воена воздухопловна индустрија и е дел од нарачката на „Ербас“ од 2023 година, чија вредност се проценува на околу 70 милијарди долари. Турските компании, вклучувајќи ја и државната „Тусас“ (TUSAS Engine Industries Inc.) или „Теи“ (TEI), најверојатно ќе бидат дел од производствената програма, рекоа официјалните лица, кои побараа да не бидат идентификувани бидејќи разговорите се доверливи.

Портпаролот на „Туркиш ерлајнс“ го потврди датумот на церемонијата на потпишување, без да даде детали. Портпаролот на „Ербас“ одби да коментира. „Ролс-Ројс“ не можеше веднаш да се контактира за коментар.

Турција долго време е ангажирана во разговори со странски компании, вклучувајќи го и „Ролс-Ројс“, за стекнување технологија на мотори за нејзините домашни проекти за тенкови и воени авиони.

Производителот на млазни мотори, чиј главен извршен директор има турско и британско државјанство, веќе има заедничко вложување со индустрискиот конгломерат „Кале груп“ во Турција.

 

Во моментов нема коментари за веста. Биди прв да коментира...

Остави коментар