Дел од менаџерите ги продадоа акциите од „Македонијатурист“, „Скопски пазар“ стана најголем акционер

Низата мултимилионски блок трансакции со акциите на „Македонијатурист“ во изминативе денови донесоа големи промени во сопственичката структура на компанијата. „Скопски пазар“ купи дополнителни 7.936 акција и поседува 86.166 акции односно 19,05 проценти од вкупниот број обични акции издадени од „Македонијатурист“, со што стана најголем поединечен акционер во компанијата. Ново име меѓу поголемите акционери е „Чезакомерц“, која стана сопственик на 28.102 акции односно 6,21 проценти од вкупниот број обични акции.

„Промедика“ купи дополнителни 10.832 акции и сега поседува 50.104 акции односно 11,08 проценти од вкупниот број обични акции од „Македонијатурист“. Симеон Павлов купи дополнителни 10.313 акции и сега поседува 47.366 акции односно 10,47 проценти од вкупниот број обични акции издадени од компанијата. 

Од друга страна, Доне Таневски, претседател на Надзорниот одбор на „Македонијатурист“ продаде 31.796 обични акции и сега поседува 48.364 обични акции, односно 10,69 проценти од сопственичкиот капитал. Неговата ќерка, Мирјана Таневска - Ефремова, која е претседателка на Управниот одбор на „Македонијатурист“ продаде 736 обични акции и сега не поседува акции во друштвото. Илија Тренески, член на Управниот одбор на „Македонијатурист“ продаде 165 обични акции и сега не поседува акции во компанијата и Владо Богдановски, член на Надзорниот одбор продаде 1.200 обични акции и исто така излезе од сопственичката структура на компанијата.

Во моментов нема коментари за веста. Биди прв да коментира...

Остави коментар