„Современ дом“ и „Скопски пазар“ се компаниите кои на вчерашната јавна берзанска аукција на Македонската берза купија пакет од 44.449 обични акции издадени од „Македонијатурист“ АД Скопје за сума од 451,1 милиони денари (7,3 милиони евра), информираат за „Блумберг Адрија“ извори кои се добро запознаени со оваа проблематика, но сакаат да останат анонимни. Акциите се продадоа преку моделот „се или ништо“ по почетната цена од 10.150 денари по акција и со тоа двете компании се стекнаа со 9,83 проценти од основната главнина на друштвото.
Со оглед на тоа што „Современ дом“ е еден од мнозинските акционери во „Скопски пазар“ со најновата купопродажба на пакетот акции двете компании неофицијално го преземаат првото место на листата најголеми акционери во „Македонијатурист“, компанија во која извесен период има обиди за окрупнување на сопственичкиот капитал. Имено, неофицијално по последната купопродажба „Скопски пазар“ и „Современ дом“ заедно би требало да имаат најмалку 19,93 проценти од акциите во „Македoнијатурист“. Официјална потврда за новите промени во сопственичка структура на „Македонијатурист“ би требало да има во понеделник кога Централниот депозитар за хартии од вредност ќе ја освежи евиденцијата на акционери кои поседуваат над пет проценти од акциите на друштвата што котираат на берзата.
Инаку, „Блумберг Адрија“ веќе објави дека минатата недела донесе нови промени во сопственичката структура на „Македонијатурист“. Тогаш, „Промедика“ стана нов акционер и поседува 8,68 проценти од основната главнина на друштвото, а „Скопски пазар“ ја зголеми сопственоста на 10 проценти од основната главнина.
Прочитај повеќе
На берзанска аукција се продадоа акции од „Македонијатурист“ за 7,3 милиони евра
Акциите се продадоа преку моделот „се или ништо“ по почетната цена од 10.150 денари по акција.
27.11.2024
Кулминација на битката за „Македонијатурист“: На аукција ќе се понудат 44.449 акции од компанијата
Во среда ќе се понуди за продажба пакет што претставува 9,83 проценти од основната главнина на друштвото.
25.11.2024
„Македонијатурист“ ја тресе берзата: Продаден блок акции за 6,7 милиони евра
Се продадоа 30.741 акција коишто претставуваат 6,80 проценти од основната главнина на друштвото.
19.11.2024
„Македонијатурист“ ја зоврива берзата: Продадени два блока акции за 6,7 милиони евра
Се истргуваа вкупно 43.700 акции коишто претставуваат 9,84 проценти од основната главнина на друштвото.
12.11.2024
Доне Таневски ѝ продаде акции во „Македонијатурист“ на „Промедика“
Доне Таневски, кој поседуваше 23,4 проценти од вкупниот број акции продал дел од своите акции во компанијата и сега поседува 17,72 проценти од вкупниот број акции.
25.11.2024
„Скопски пазар“ стана втор најголем акционер во „Македонијатурист“
„Скопски пазар“ ја претекна „МГ фешн“ на листата најголеми акционери во „Македонијатурист“.
14.11.2024
Според последната евиденција на Централниот депозитар за хартии од вредност за акционери кои поседуваат над пет проценти од основната главнина на друштвото заклучно со 25.11.2024, Доне Таневски, кој поседуваше 23,4 проценти од вкупниот број акции продал дел од своите акции во компанијата и поседува 17,72 проценти од вкупниот број акции. Втор најголем акционер во „Македонијатурист“ е „Скопски пазар“, компанија којашто ја зголеми сопственоста од 9,9 на 10 проценти од вкупниот број акции, а потоа следуваат „Македонијатурист“ која што поседува 10 проценти од сопствените акции, „Сава пензиски фонд“ (8,80 проценти), „Промедика“ (8,68 проценти), Симеон Павлов(8,19 проценти) и „МГ фешн“ (7,69 проценти).
.webp){kind=icon}
