Од Нова година компаниите ќе плаќаат 100 отсто повисоки надоместоци за експлоатација на природните ресурси. Владата го прифати новиот тарифник на Министерството за енергетика, рударство и минерални суровини, кој, како што велат оттаму, ќе послужи за воведување ред во користењето на националните богатства.
„Со измените во тарифникот за утврдување на висината на надоместоците за издавање дозволи и концесии за вршење детални геолошки истражувања и концесии за експлоатација на минерални суровини, надоместоците за минерални суровини се зголемуваат до 100 отсто, што ќе значи и значајно зголемување на приходите за државата. Предлогот на Министерството за зголемување на надоместоците е усвоен од Владата и објавен во ’Службен весник’, со што новиот тарифник почнува да се применува на 1 јануари“.
Со новиот тарифник надоместокот за користење на просторот за експлоатација се зголемува за околу 30 отсто.
Прочитај повеќе
Декарбонизација: Што со општините што живеат од експлоатација на јаглен?
Македонија е насочена кон давање поддршка за засегнатите, рече министерката Божиновска.
15.11.2024
Сурова зима за челичната индустрија: Што значи тоа за македонските компании?
Цената на железната руда трпи големи промени во последните три години.
26.08.2024
Високата цена на бакарот е добра вест за рудниците, лоша за индустријата
Од почетокот на годината цената на металот е зголемена за околу 20 отсто.
16.05.2024
Сè помалата употреба на јаглен ќе остави без работа 400.000 рудари
Сè помалата употреба на јаглен во енергетскиот систем ќе доведе до отпуштање на сто рудари дневно до 2035 година.
12.10.2023
Надоместокот за експлоатација на мермер ќе изнесува пет отсто од приходот од продадената минерална суровина, наместо досегашниот процент од фиктивна цена.
Надоместоците за метални минерални суровини се зголемуваат од два на четири отсто, а за неметални минерални суровини зголемувањето во просек изнесува над 100 отсто.
„Измените не ги засегаат надоместоците за енергетски минерални суровини, како јаглен, со цел да се спречи дополнителен раст на цената на електричната енергија“, соопшти Министерството.
Досега од концесиските надоместоци државата инкасира околу 10 милиони евра. Новиот тарифник значително ќе ги зголеми тие средства.
„Со новите измени обезбедуваме фер наплата за користење на нашите национални богатства, штитиме одржлив развој и гарантираме придобивки за сите – и за државата и за приватниот сектор“, изјави министерката Сања Божиновска.
При изработката на новиот тарифник Министерството се раководеше од деталната анализа на регионалните и светските практики, како и од препораките од Државниот завод за ревизија. Извештајот од април 2024 година потенцира дека концесиските надоместоци во Македонија се најниски во регионот, што ја поттикна потребата за измени.
„Министерството продолжува со залагањата за фер управување со природните ресурси и зајакнување на економските придобивки од нивната експлоатација“, соопштија оттаму.
.webp){kind=icon}
