Швајцарската фармацевтска компанија „Новартис“ (Novartis) во својот квартален извештај за заработката објави подобри резултати од очекуваните, а наедно ги зголеми и своите прогнози за целата година.
Продажбата се зголемила за 15 проценти, на 13,2 милијарди долари, додека аналитичарите анкетирани од ЛСЕГ (LSEG) проценија дека ќе изнесува 13,12 милијарди долари. Кварталните приспособени основни оперативни приходи се зголемија за 27 проценти, на 5,58 милијарди долари, што е исто така над очекуваните 5,07 милијарди долари.
Прогнозите за остатокот од годината исто така се зголемија. Затоа, компанијата прогнозира висок едноцифрен раст на нето-приходите од продажба и низок двоцифрен раст на основната добивка. Фармацевтската индустрија моментално се прашува какви царини ќе воведе Доналд Трамп врз нејзините производи, бидејќи претходно месецов најави истрага за работењето на индустријата.
Прочитај повеќе
Трамп е отворен за преговори, но сепак „наскоро“ ќе воведе нови царини - лековите на удар
Трамп не откри колкави ќе бидат царините за лекови, ама рече дека целта е да ги принуди фармацевтските фирми да го донесат производството во САД.
29.03.2025
Трамп вели дека брзо ќе ги воведе долго ветуваните фармацевтски тарифи
Трамп веќе примени секторски тарифи од 25 отсто за челик, алуминиум и автомобили, додека го започна процесот за нивно воведување и на бакар.
09.04.2025
Растат приходите на „Реплек“ од продажбата дома и во странство
Од „Реплек“ информираа дека лани консолидираните приходи од продажба во сегментот фармација изнесуваат 1,9 милијарди денари (31,2 милиони евра) и бележат раст за 24 проценти во однос на 2023 година.
28.02.2025
Значителен раст на добивката и 253 нови вработувања лани во „Алкалоид“
Странските пазари заземаат 68 проценти од вкупните консолидирани продажби на „Алкалоид“.
27.02.2025
„Ново Нордиск“ го зголеми профитот благодарение на лековите за слабеење
Продажбата на лекот за слабеење „вегови“ скокна за 107 отсто минатата година...
06.02.2025
Фармацевтските производи досега беа ослободени од сеопфатни увозни давачки, но Трамп во март предупреди дека целните давачки за фармацевтските производи ќе бидат воведени во „блиска иднина“, објави „Си-ен-би-си“ (CNBC).
Перспективата за високи царини поттикна зголемени инвестиции во САД од страна на европските фармацевтски компании, кои се стремат да го одржат пристапот до профитабилен пазар и да го поедностават домашното производство. „Новартис“ претходно месецов објави дека ќе инвестира 23 милијарди долари во текот на следните пет години за изградба и проширување на десет објекти во САД, што, како што велат оттаму, ќе обезбеди сите клучни лекови на „Новартис“ за американскиот пазар да се произведуваат дома.
.webp){kind=icon}
