Туризмот во регионот Адрија годинава ќе се доближи до бројките од претпандемиската 2019. Податоците на аналитичкиот тим на „Блумберг Адрија“ покажуваат дека Србија е единствена земја која до мај веќе ги надминала бројките од пред пандемијата. Хрватска и Словенија имаат силен раст на туризмот, а Босна и Херцеговина и Македонија имаат значително подобри резултати споредено со пандемиските 2020 и 2021 година.
Според анализата на главниот аналитичар на „Блумберг Адрија“, Андреј Кнез, бројот на странските и домашните гости во Словенија достигна над два милиони за шест месеци, што е 309 отсто повеќе од лани. За пет месеци во Хрватска имало 2,78 милиони доаѓања, Македонија иако има најмал број гости, сепак бележи раст од 135 отсто споредено со лани. Во Босна и Херцеговина имало за 99 отсто повеќе гости.
Аналитичарот Кнез издвојува дека некои показатели сугерираат добро продолжение на сезоната. Тоа се гледа по продажбата на влезници за фестивали и концерти иако се чувствува недостигот на руските туристи.
Инфлацијата ги вивна цените и во туристичкиот сектор. Цените во Хрватска се зголемиле за 21 отсто споредено со крајот на година, во Словенија растот изнесува 15 отсто, а во Македонија 13 отсто.
Bloomberg Adria
Ризик за туристичкиот сектор претставува руско – украинскиот конфликт, пишува во анализата. Растот на цените на енергенсите, но и другите стоки ги зголеми трошоците и ги наруши ланците за снабдување, што се чувствува и во туристичката индустрија. Новите варијанти на корона вирусот и војната во Украина се фактори кои можат да го загрозат заздравувањето на туризмот во Европа годинава.
Македонија
Заклучно со мај, за кога се објавени последните статистички податоци, во земјава се регистрирани 71.627 туристи, од нив 48.978 биле странски. Бројот на гости од странство за истиот период е за 20.000 помал од 2019.
„Девизниот прилив компаративно со 2019 година, како последна релевантна туристичка година, во 2021 година достигна -3 отсто односно 385 милиони долари. Стратешкото планирање за 2022 година ги постави целите на 2,6 милиони ноќевања и повеќе од 400 милиони долари од туристичката индустрија во македонската економија што треба да ја надмине рекордната 2019 година. Во овој момент сум оптимист, според сезоната дека овие поставени цели се реални и можат да се достигнат“, вели за „Блумберг Адрија“ директорот на државната Агенција за промоција и поддршка на туризмот, Љупчо Јаневски.
За познавачите на состојбите во туризмот, пак, овие број не треба да задоволати рано е за радување.
„Точно, има зголемување на бројот на туристи и тоа е добро, но споредбата треба да се врши со најдобрите години од туризмот за Македонија, тоа е периодот од 2017 до 2019. Оттука може да се каже дека ноќевањата и бројот на гости не е задоволителен за раст и развој на туризмот во Македпнија“, вели Пејоска.
Србија
Србија е единствена држава во регионот која забележала раст на бројот на ноќевања во однос на 2019 година во мај и јуни, покажуваат податоците на Републичкиот завод за статистика. Во јуни бројот на ноќевања се зголемил за 10,1 отсто споредено со годината пред панедмијата.
Во јуни на годишно ниво, бројот на ноќевања на домашните туристи пораснал за 11,5 отсто, додека бројот на ноќевања на странските туристи се зголеми за 48,3 отсто заради растот на доаѓањата на граѓани од Русија и Белорусија. Имено, со оглед на тоа дека повеќето авиокомапнии заради санкциите не летаат за Русија, а Аир Србија ја одржува својата рута, граѓаните на Русија кои сакаат да се вратат во својата држава од трети земји приморани се да патуваат преку Србија. Па така, во првите шест месеци од оваа година, ноќевањата на руските туристи во Србија бил за 166 отсто повисок отколку во истиот период од 2019.
Податоците од авиосообраќајот покажуваат дека туризмот се опоравува. Имено, во првите шест месеци оваа година, аеродромот „Никола Тесла“ пречекал преку два милиони патници, укажувајќи на речиси целосно опоравување на пред пандемиските резултати до крајот на годината.
Во Србија е забележлив и раст на интересот за одмор во земјата што иницијално беше поттикнато од неможноста за изелез во екот на пандемијата. Доплонителен поттик даде и Владата на Србија и тоа во неколку наврати, а последен пат тоа беше овој месец кога беа поделени 200.000 ваучери во вредност од 15.000 динари за одмор во Србија со цел да се помогне економскиот раст на земјата.
„Фактот дека во толку краток рок, за помалку од еден месец издадени се 200.000 ваучери, потврдува дека сме во екот на најверојатно најдобрата туристичка сезона во Србија досега. Горда сум што летувајќи во нашата земја придонесуваме за зголемување на турстичкиот промет и економскиот раст на нашата земја“, порача министерката за туризам, трговија и телекомуникациии Татјана Матиќ. Досега Владата за оваа година додели над 350.000 ваучери за одмор во Србија.
Bloomberg
Според популарноста на туристичките центри, во првата половина од оваа година традиоционално најмногу посетители привлекол Белград. Но, и Нови Сад како Европски град на културата за 2022 забележа значителен раст. Освен овие два најголеми градови во државата, најголем број турусти во првата половина од годината примиле Копаоник и Златибор, но планинските центри се далеку попривлечни за домашните отколку за странските туристи.
Босна и Херцеговина
Во Босна и Херцеговина заклучно со 31 мај годинава остварени се 455.765 посети, што е за 89,5 отсто повееќе споредено со истиот период минатата година. Целосното опоравување се уште е далеку ако се гледаат бројките за 2019, 2018 и 2017 година.
Бројот на остварени ноќевања, заклучно со 31 мај гоинава, речиси стигна до милион. Опоравувањето е исклучително забележително во однос на претходните години – бројот на ноќевања заклучно со 31 мај во 2020 и 2021 заедно, е помал од овогодишниот. Претпандемиските нивоа се се уште далеку.
Ако го гледаме само мај годинава, бројот на ноќевања на домашните туристи е повисок за 80,2 отсто во однос на април, и за 54,9 отсто во однос на ланскиот мај. Бројот на ноќевања на странските туристи е поголем за 70,7 отсто во однос на април 2022 и 195,1 отсто поголем од мај минатата година.
Најголем број на ноќевања во овој период од годината реализирале туристите од Србија, Хрватска, Словенија и Германија.
Годинава во БиХ за летовање ќе има олеснување во вид на ваучери, ако жителите на БиХ сакаат да одмараат на некоја од домашните дестинации. Износот на ваучерите во Федерацијата БиХ е 200 КМ, а во република Српска 100 КМ.
„Туризмот во БиХ сега се карактеризира со висока концентрација на туристички актинвости на ограничен број дестинации“, вели Пештек. „Треба активно и системски да се работи на развојот и популаризацијата како и пазарното позиционирање на цела низа други дестинации со голем потенцијал, а кои сега имаат мало учество во вкупните туристички движења. На тој начин ваучерите ќе имаат своја улога и ќе придонесат за развој".
Bloomberg
Алмир Пештек, редовен професор на Економскиот факултет во Сараево, за „Блумберг Адрија“ вели дека туризмот во БиХ бележи континуиран раст од 2020 година и од пандемијата со корона вирусот. Во текот на 2019 година остварени биле најдобрите резултати во смисла на број на ноќевања и посети.
Пештек истакнува дека нивото на оптимизам на туристичките работници е исклучеително високо, а исто така и нивните очекувања.
„Без оглед на сите проблеми со кои се соочуваме како што се економската криза и воените дејствија, како и се уште присутниот страв поврзан со корона вирусот, оваа година за туризмот во БиХ почна позитивно“, заклучува Пештек. „Тешко е да се процени што може да се случи, а се уште немаме ни доволно податоци за да можеме да ги идентификуваме и следиме трендовите, но навистина се надевам дека оваа година ќе биде успешна за БиХ“.
Словенија
Јуни беше добар месец за словенечката туристичка понуда. Речиси 800.000 туристи во првиот летен месец реализирале околу два милиони ноќевања, што речиси двојно повеќе од ланскиот јуни. Овогодишните бројки се слични со тие од пред пандемијата, забележува Државниот завод за статистика на Словенија.
STA
Околу 45 отсто од туристите биле домашни, а 55 отсто странски. Најмногу доаѓања има од Германија, речиси четвртина од вкупниот број. Следат туристите од Австрија, Италија, Унгарија и Чешка. Пандемијата очигледно ја направи Словенија интересна за домашните туристи. Нивниот број порасна и овој јуни и е најголем досега, ако се изземат пандемиските лета во 2020 и 2021. Најголем број туристи преноќиле во Пиран, Љубљана, Блед и Бохињ.
Од почетокот на јануари до крајот на мај, Словенија ја посетиле 1,3 милиони туристи повеќе од иситот период лани. Во тој период домашните и странските туристи оствариле околу два милиони ноќевања.
Хрватска
Прекрасниот јадрански брег ветува успешна сезона за хрватскиот туризам годинава.
Претсезоната, односно велигденските празници во периодот од 15 до 18 април го дадоа првиот знак за заздравувањето. Бројките се силни, 493.000 ноќевања за овие четири дена.. Оваа бројка е за 364.000 поголема од лани.
И покрај силниот Велигден, хотелскиот удел е сè уште понизок од 2019. Од туристите кои во април биле во земјата, 54 отсто престојувале во хотел, во 2019 година истиот период уделот на хотелското сместување изнесувал 63 осто.
Zvonko Kucelin/Hina
Во однос на лани бројките за оваа земја покажуваат дека ноќевањата се зголемиле за 187 отсто во однос на лани, но и натаму се за 12,2 отсто пониски од 2019. Бројот на туристи се зголемил за 192 отсто споредено со минатата гоодина, но а за 22,8 осто понизок од претпандемиската 2019.
.webp){kind=icon}
Во моментов нема коментари за веста. Биди прв да коментира...