„Блумберг Адрија“ неодамна објави истражување според кое Американците од генерацијата икс односно оние на возраст од 44 до 59 години повеќе се плашат од пензионерските денови отколку од смртта. Над половина од нив, според истражувањето, сметаат дека финансиски нема да бидат подготвени за пензија.
Неделава се обидовме да го отклучиме начинот на кој се пресметуваат пензиите во земјава. Обидот придонесе и јас, како дел од генерацијата икс во Македонија, да почувствувам страв за пензионерските денови, иако тие сѐ уште се многу далеку. Целата работа околу пресметката на пензиите се врти околу тоа дека најповолно поминуваат тие што наполниле 15 години стаж пред 2001 година. И полицијата и војската, се разбира.
Прочитајте повеќе:
Составивме портфолио: Каде паметно да инвестирате во 2025 година?
За нас во „Блумберг Адрија“ неделава ја обележи редизајнирањето на нашата веб-страница. Отсега, со интегрирањето на вештачката интелигенција, ви носиме персонализирана содржина – наменета за вас токму во овој момент.
Платформата ја приспособува содржината на вашите интереси и деловни потреби, ви заштедува време и ве држи фокусирани на она што ви е навистина важно за да ја донесете следната деловна одлука, да се истакнете и да напредувате.
И неделава ги следевме случувањата околу „Македонијатурист“. Во средата преку моделот „сѐ или ништо“, компаниите „Современ дом“ и „Скопски пазар“ купија пакет од 44.449 обични акции за 7,3 милиони евра. Со тоа се стекнаа со 9,83 проценти од основната главнина на друштвото.
Анализиравме и кои компании годинава поминаа добро, а кои ќе чекаат подобри времиња. Тоа што е исто со претходните периоди е дека банките се најуспешни.
Се занимававме и со најбогатите. Анализиравме какви се профилите на топ 10 милијардерите на листата на „Блумберг“ за да откриеме какви се нивните почетоци и како го стекнале своето богатство, кое кај сите десетмина ја надминува границата од сто милијарди долари.
Во овој тежок период за Германија, и македонските автофабрики тргнаа во рикверц. Тоа не важи за возниот парк во земјава, кој надмина 550.000 автомобили. Прашуваме колку ли се тие „штелувани“.
Прочитајте повеќе:
И македонските финансиски советници ги фати еуфоријата на поткасти
Од ноти до кодови: Како ВИ ја преобликува македонската музика
Го анализиравме и пазарот на суровини. Цените на гасот и на струјата растат поради студеното време во Европа. Цената на нафтата паѓа во пресрет на состанокот на претставниците на земјите извознички, а златото се доближува до 3.000 долари за унца.
И криптото кружи околу 100.000 долари. Дигиталните средства не само во земјава туку глобално сè уште се нерегулирани, па прашавме дали сопствениците на крипто треба да плаќаат данок, но и што по смртта.
Прочитајте повеќе:
Германија има потреба од 288.000 мигранти годишно за работа
Каков ќе биде ефектот од „Бехтел и Енка“ – развој или крах?
Неделава државната клиника за гинекологија објави дека жена на 61 година првпат стана мајка откако 37 години се борела со неплодност. Оваа убава вест се совпадна со главната тема во новиот број на „Блумберг бизнисвик Адрија“, каде што се занимававме со вештачкото оплодување, кое зема замав во регионот.
.webp){kind=icon}
