Фед ќе продолжи да ја олабавува монетарната политика и во текот на 2025 година, прогнозира аналитичарот на „Блумберг Адрија“ Михаел Блажековиќ. Тој проценува дека референтната каматна стапка до крајот на годината би можела да падне на ниво од 3,75 отсто, што е за 175 базични поени пониско од највисоката стапка од овој циклус на монетарно затегнување (5,5 отсто).
„Многу работи ќе зависат од почетокот на мандатот на новоизбраниот претседател. Најважните и најекспонираните одлуки често се носат во првите месеци од мандатот, така што притисокот врз Фед ќе продолжи да биде присутен“, вели нашиот аналитичар.
Енергетска ефикасност кај зградите: Колку струја може да се заштеди?
Сеопфатен попис на објекти и детална типологија на зградите во земјава се двата процеси кои државата планира да ги спроведе во следниот период, а со цел зголемување на енергетската ефикасност на јавните згради. Од Министерството за енергетика за „Блумберг Адрија“ велат дека по изработката на пописот и типологијата, државата ќе изработи и долгорочна стратегија за реновирање на јавните згради со важност до 2050 година.
Подобрувањето на енергетската ефикасност на јавните објекти е обврска која државава ја има согласно европските регулативи, а таму стои дека тие треба да послужат како пример за останатите објекти и затоа овие згради треба да бидат подложени на редовни контроли и да поседуваат сертификати кои „треба да бидат истакнати на видно место, особено во згради со одредена големина во кои се наоѓаат јавни органи, односно во кои често престојуваат граѓаните“.
Кина се труди да го стигне Илон Маск во вселената
Кинеските компании во различни области, од електрични автомобили до цивилни беспилотни летала и соларни панели, брзо станаа светски лидери во индустриите со напредни технологии, кои се клучни за кинеските власти.
Меѓутоа, постои една област во која нацијата не е успешна. Повеќе од една деценија откако претседателот Шји Џјинпинг воведе реформи за да ги поттикне кинеските вселенски стартапи, тамошните производители на ракети и сателити не се ни блиску до тоа да ѝ парираат на водечката компанија во светот, „Спејс екс“ (SpaceX).
Берзанска ѕвезда: Европска акција поуспешна дури и од „Енвидија“
Акциите на „Сименс енерџи“ (Siemens Energy), кои пред една година беа принудени да побараат државна помош, не би ги сметале за европски берзански ѕвезди во 2024 година, според „Блумберг“ (Bloomberg). Годинава вредноста на акциите скокна за повеќе од 320 отсто и сега котираат на 51 евро по акција.
Минатиот октомври вредноста на акциите достигна дно од 7 евра, но за една година се зголеми седумкратно. Годишниот принос од 326 отсто ги надминува акциите во индексот Stoxx Europe 600 и дури и ѕвездите во американскиот индекс S&P 500, каде што „Енвидија“ (Nvidia) има принос од 182 отсто (или 200 отсто ако се пресмета во евра).
„Енвидија“, „Спејс екс“, „Ново Нордиск“, „Епл“ – достигнувања во 2024 година
„Енвидија“ (Nvidia) со своите чипови Х100 (H100) стана лидер во сферата на вештачката интелигенција (ВИ), додека Европската Унија со својот Закон за вештачка интелигенција (AI Act) презема водечка улога во етичката регулација, но, според мислењето на некои, го забавува развојот на ВИ-технологијата во Европа. Во исто време САД и Кина се најдоа во „технолошка студена војна“, каде што чиповите и соларните панели ја заменуваат традиционалната дипломатија.
„Епл“ (Apple) со „вижн про“ (Vision Pro) ја претстави својата визија за проширена реалност, иако сè уште се бара во светот на генеративната вештачка интелигенција. Вселенскиот сектор, предводен од ракетата „старшип“ (Starship) на „Спејс екс“ (SpaceX), буквално достигна нови височини, додека квантните компјутери ги поместуваат границите на можностите – квантниот чип „вилоу“ (Willow) на „Гугл“ (Google) обработува податоци побрзо отколку што можеме да замислиме.
Новите давачки го менуваат балансот на силите во индустријата за електрични автомобили
Кинеските производители на автомобили имаат најмал удел на европскиот пазар на електрични возила во последните осум месеци, откако новите царини ги зголемија увозните трошоци дури за 35 отсто, пишува „Блумберг“.
Во текот на ноември компаниите како што се БЈД (BYD) и брендот МГ на „Саик мотор“ (SAIC Motor Corp) учествуваа со 7,4 отсто од регистрациите на електрични возила во Европската Унија, што е помалку од 8,2 отсто од октомври, според податоците на истражувачката компанија „Датафорс“ (Dataforce). Ова е најниско учество од март годинава.
.webp){kind=icon}
