В понеделник се навршуваат три години од почетокот на инвазијата на Русија врз Украина. Во пресрет на годишнината, американскиот претседател го нарече украинскиот лидер Зеленски „диктатор“, а истовремено го зголеми и притисокот врз Киев да ги прифати условите од договорот за завршување на војната, за што САД преговараат со Русија во Саудиска Арабија. Средбата во Ријад траеше четири часа и, иако се очекуваше, средба Путин-Трамп не беше договорена. Анализиравме што се крие зад тие преговори.
Прочитајте повеќе:
„Сочна“ дебата на кандидатите за канцелар на Германија - заживеа предизборната кампања
На домашен терен, главна тема остануваат високите цени. Инфлацијата забрза и се доближи до пет отсто на годишно ниво. Власта се одлучи за старата мерка со ограничени маржи, а опозицијата побара намалување или укинување на ДДВ. За експертите, ниту една од двете мерки не е решение за проблемот.
Се менува Законот за технолошките индустриски развојни зони. Главната новина во измените е што Владата ќе има дискрециско право да им дозволи на компаниите релокација во зоните, но не подалеку од 50 километри, и да им даде државна помош.
Поголема поддршка од државата бараат и општините. По европски терк, тие бараат поголеми дотации од персоналниот данок. И компаниите ја чекаат поддршката од унгарскиот кредит, а банките се под притисок, велат дека интересот на фирмите за парите ги надминува сумите што им се ставени на располагање.
Прочитајте повеќе:
Македонија, по Србија, има највисоки камати за штедење во регионот
(Р)еволуција на финансискиот сектор: Клучни трендови, можности и предизвици
Неделава македонскиот амбасадор во Германија објави дека ја посетил клиниката „Рон“ во Бад Нојштад. Во неа работат 20 врвни доктори од Македонија. „Горди на нашата дијаспора“, напиша амбасадорот на Фејсбук. И треба да сме горди, затоа што податоците покажуваат дека токму дијаспората за девет месеци лани испратила 1,5 милијарда евра во земјава.
Ги анализиравме предизвиците што за компаниите ги носат вештачката интелигенција и зелената транзиција. Заклучокот од истражувањето што го спроведе „Прајсвотерхаускуперс“ меѓу главните извршни директори е дека тие што бавно ќе се приспособуваат на новините можат само да се надеваат дека ќе преживеат.
Прочитајте повеќе:
Крипто – индустријата на изборите во ноември го доби тоа што го сакаше. Што понатаму?
Како да инвестирате во криптовалути
Кога станува збор за зелената агенда, од изборот на Трамп почна ретерирањето. Компаниите како да се плашат да зборуваат на намалувањето на емисиите, кое требаше да помогне во борбата со климатските промени.
А новиот американски претседател, кој го сврте светот наопаку, не направи исклучоци ни за спортот. Американските професионални лиги имаат прекуграничен карактер, а во случајот со царините особено ќе страда хокејот, кој е национален спорт на Канада. Пишувавме и за новата сезона на Формула 1. Таа почнува во март и носи нови многу новитети, и спортски и деловни и регулаторни.
.webp){kind=icon}
