Банките на провизиска диета - пет вести

Тениската суперѕвезда Роџер Федерер е една од ретките спортски легенди која денес може да се смета за милијардер.

Федерер, кој помеѓу 2003 и 2018 година освои 20 Грен слем титули, за време на неговата 24-годишна кариера која заврши во 2022 година, заработи 130,6 милиони долари од награди. Сепак, најголемиот дел од богатството на овој швајцарски ас доаѓа од значајни спонзорски договори и од мудра инвестиција во локален бренд на патики.

Добро утро! Ова се петте вести што треба да ги знаете на почетокот на денот, во избор на дигиталната редакција на „Блумберг Адрија“ од Скопје.

Колку е калоричен колачот од провизиите, што Славески сака да ги стави банките на диета?

Банкарските провизии и надоместоци се тема околу која постојано жолчно се дискутира во јавноста – граѓаните и компаниите сметаат дека некои ставки што банките им ги наплаќаат се сосема неиздржани и нелогични, банките пак, од своја страна се правдаат дека инвестициите во ИТ и безбедност постојано им растат, како и останатите трошоци поврзани со усогласување со ЕУ регулативите, Базел-критериумите, картичното работење, итн.

На пример, клиентите не може да сфатат зошто треба за обичен налог за плаќање преку својата банка да платат некаде и преку 100 денари за секоја трансакција, или пак за подигање пари на банкомат што не е од нивната банка (се случуваат најразлични итни ситуации, па човек мора да посегне некогаш и по таа услуга) да им се наплати провизија и од 3-5 отсто од вредноста на целата сума што ја повлекле. 

Клиентите се чудат, но банките не се чудеа кога на ниво на сектор заработија преку 115 милиони евра само од провизии и надоместоци во 2024, речиси идентично како и во 2023, иако монетарните власти последниве години укажуваа дека овие банкарски услуги мора да поевтинуваат и се подготвуваше и носеше регулатива во таа насока. 

Како работат компаниите во авиоиндустријата?

Периодот по пандемијата на коронавирусот претставуваше значајна пресвртница за глобалната авиоиндустрија, како во однос на обемот на сообраќај така и во структурата на приходите и бизнис-моделите на услугите во кабината.

Бројот на авиопатници од 2021 година постепено се нормализираше. Сепак, враќањето на претпандемиските нивоа се предвидуваше за минатата година, а низ овој процес на закрепнување дојде и до забрзано преосмислување на улогата на кетерингот и малопродажбата за време на лет.

Меѓународната асоцијација за воздушен транспорт (ИATA) очекува речиси 5 милијарди патници на 38,3 милиони лета во 2025 година, што би претставувало историски рекорд.

Сигурно одиме кон повисок старосен праг за пензија

Во текот на изминатиот век и половина, животниот век на луѓето е значително продолжен, а во исто време и генерацијата бебибум почна да се пензионира, што доведе до сериозно потресување на пензиските системи низ целиот развиен свет или дури и до доведување во прашање на нивниот опстанок. 

И не само пензиите гарантирани од државата туку и дополнителните пензии што големите корпорации почнаа да им ги обезбедуваат на своите вработени. Едноставно кажано, ниту државните и приватните пензиски фондови ниту корпоративните пензиски шеми се чини дека не можат да ги плаќаат своите обврски многу подолго, а ова стана меѓународен феномен. Феномен што доведе во Европа многу да се зборува за продолжување на возраста за пензионирање барем на 70 години.

Илон Маск бесен поради новиот даночен закон на Трамп

Илон Маск остро ја критикуваше најновата верзија на даночниот закон на претседателот на САД, Доналд Трамп, вреден повеќе трилиони долари, кој во саботата беше усвоен од американскиот Сенат. Тој предупреди дека укинувањето на субвенциите за електрични возила и други форми на чиста енергија би било „неверојатно разорно“ за земјата.

Маск, извршен директор на „Тесла“ (Tesla Inc.) и „Спејс екс“ (SpaceX), се огласи на својата социјална мрежа X по повод законот што Сенатот го усвои по бурно гласање доцна во саботата. Тој неодамна се дистанцираше од Трамп, откако неколку месеци го водеше т.н. Оддел за ефикасност на владата.

Според Маск, законот би уништил милиони работни места во САД и би „давал субвенции на индустрии од минатото, додека сериозно би ѝ наштетил на индустријата на иднината“.

Трговците со обврзници изгледа ја најдоа новата Грција

Во време кога глобалната економија се соочува со забавен раст, една африканска земја тивко, но сигурно, го менува наративот. Замбија, држава со 20 милиони жители, која пред само пет години прогласи банкрот, денес е меѓу најбрзо растечките економии во светот. 

Според проценките на Меѓународниот монетарен фонд (ММФ) и Светската банка, земјата е на пат да оствари економски раст од над 6% во 2025 година – стапка која ја надминува дури и некои од најразвиените економии.

Овој пресврт е уште позначаен ако се земе предвид дека Замбија во 2020 година беше во длабока должничка криза, со јавен долг кој надминуваше 120% од БДП. Денес, благодарение на комбинација од поволни климатски услови, зголемено производство на бакар и успешно реструктурирање на долгот, земјата бележи стабилен напредок.