Виена ќе се соочи со бавна корекција на нејзиниот преценет пазар на недвижности и тоа е поверојатна опција отколку да има ненадеен шок, објави австриската централна банка во посебен извештај.
Според економистите од банката, има низок ризик од присилна продажба, но и намалена понуда од градежната индустрија, која е во пад, така што е неверојатно да има остар пад на цените на куќите. Иако понатамошниот умерен пад не може да се исклучи, пазарот најверојатно ќе следи сценарио слично на 1990-тите, кога силната апрецијација беше проследена со долга фаза на стагнација.
„Ризикот од ненадејни остри корекции на цените во моментов се смета за доста низок“, се наведува во извештајот, додавајќи дека високата инфлација, монетарните и економските ризици значат дека развојот на цените на недвижностите е „предмет на висок степен на несигурност“.
Bloomberg Mercury
Проектираната траекторија ќе ги намали трошоците за домување на основа приспособена на инфлацијата и ќе помогне да се намали притисокот врз пазарот, кој се проценува дека е околу 37 отсто поскап од неговата основна вредност.
Економистите ја подготвија белешката како одговор на извештајот на „Блумберг сити тракер“, кој покажа дека цените на недвижностите во Виена паднале за 12 отсто на годишно ниво во мај. Со оваа статистика, австрискиот главен град беше со најголем пад на цените меѓу девет европски града што беа опфатени во истражувањето.
Австриската народна банка соопшти дека податоците за првиот квартал, кои ги вклучуваат понудите и цените на трансакциите, укажуваат на пазар што стагнира. Станбениот имот во Виена сè уште чинел 0,8 отсто повеќе во периодот јануари-март отколку една година порано. Народната банка не објавува месечна анализа на податоците.
Меѓу факторите што го намалуваат ризикот, централните банкари укажаа и на процентот на задолженоста на граѓаните и нивната способност да ги сервисираат кредитите во однос на приходите, што во Австрија е на половина од просекот на Европската Унија.
.webp){kind=icon}
