Нарачките во германските фабрики драстично паднаа во јули, што е знак дека маките на најголемата европска економија продолжуваат и во третиот квартал.
Побарувачката падна за 11,7 отсто во однос на јуни, што е многу полошо од падот од 4,3 отсто што се очекуваше во истражувањето на „Блумберг“ меѓу економистите. Тој пад се должи на големите нарачки, без кои показателот би се зголемил за 0,3 отсто.
Падот во оваа променлива серија дојде по тримесечен раст.
По претрпената зимска рецесија предизвикана од руската војна во Украина, производствениот капацитет на германските фабрики не успеа да се зголеми во вториот квартал и веројатно тоа ќе продолжи и во третиот квартал.
Со оглед на тоа што последните три месеци од 2023 година се очекува да донесат раст од само 0,1 отсто, некои ја обновија ознаката „пациентот на Европа“ дадена на Германија по нејзиното повторно обединување во 1990 година.
Bloomberg Mercury
Индустријата најмногу настрада од слабата побарувачка во Кина, втората по големина економија во светот, која исто така губи замав.
Податоците за германското производство, кои треба да бидат објавени в четврток, исто така би можеле да покажат континуирана слабост, при што просечната процена на економистите предвидува трет по ред месечен пад.
Запрашан за етикетата „пациент“, претседателот на Бундесбанк, Јоаким Нагел, призна дека моменталната ситуација не е сјајна.
„Вистина е дека западнавме во техничка рецесија во зимскиот семестар и дека економскиот развој оттогаш не е задоволителен“, изјави тој во интервју за весникот „Ханделсблат“. „Но очекуваме повторно да се осветли“.
Тој укажа на силата на пазарот на трудот, тврдејќи дека е во многу подобра форма отколку во 1990-тите. Тоа ги прави неточни споредбите со тој период.
„Германија не е пaциент на Европа“, рече тој. „Мислам дека тоа е неточна дијагноза и треба да бидеме посамоуверени.
- Во пишувањето помогнаа Џоел Ринеби и Кристијан Зиденбург
.webp){kind=icon}
