.webp){kind=icon}
Борбата на Европската централна банка (ЕЦБ) против инфлацијата може да бара уште едно зголемување на каматните стапки, според членката на Извршниот одбор, Изабел Шнабел.
„По долг период на висока инфлација, инфлациските очекувања се кревки и повторените шокови од страната на понудата би можеле да ги дестабилизираат, заканувајќи ѝ се на среднорочната ценовна стабилност“, рече Шнабел во говорот во четвртокот во Сент Луис. „Тоа исто така значи дека не можеме да отпишеме натамошно зголемување на стапките како можност“, додаде таа.
Германката зборуваше една недела откако ЕЦБ ги остави каматните стапки непроменети за првпат по повеќе од една година. Инвеститорите и економистите веруваат дека стапката на депозитите сега ќе остане на четири отсто до 2024 година, а инфлацијата во еврозоната драстично е забавена во последните месеци. Во октомври стапката на инфлација падна на 2,9 отсто.
Прочитај повеќе
Дали ЕЦБ ја вади тешката артилерија во борбата против вишокот ликвидност?
Пазарите, аналитичарите и Европската централна банка (ЕЦБ) овој пат беа на иста страна.
27.10.2023
ЕЦБ одлучи да паузира по низата покачувања на каматите
ЕЦБ проценува дали преку историската серија зголемувања ќе успее да ја намали инфлацијата.
26.10.2023
Лагард: Борбата против инфлацијата сè уште не е завршена
Енергијата во 2022 година беше главен двигател на инфлацијата
25.10.2023
Облозите на пазарот на пари не се променија многу во петокот, па учесниците и натаму очекуваат дека цените на позајмувањето ќе почнат да паѓаат во јуни (за 25 базични поени), а до крајот на 2024 година да паднат за вкупно еден процентен поен.
Шнабел рече дека „очекува враќањето на инфлацијата на два процента“ да потрае двојно повеќе од порастот на 10,6 проценти.
Таа исто така рече дека отпорноста на цените и платите значи дека базичната инфлација е исто така поотпорна и дека треба да се исполнат два клучни услова за оваа мерка - која ги исклучува нестабилните елементи како што се храната и енергијата - да се движи во согласност со целите на ЕЦБ.
Инфлацијата во еврозоната забавува (линија), но економскиот раст (столпчиња) на квартално ниво сè уште ика
Bloomberg
Прво, растот на трошоците за работна сила на крајот треба да се врати на нивоа во согласност со среднорочната инфлација од два процента. Од друга страна, фирмите ќе мора да ги користат своите профитни маржи како тампон за да го ограничат пренесувањето на тековниот раст на платите на потрошувачките цени.
Покрај тоа, таа ја спореди последната фаза на враќање на инфлацијата во еврозоната на два отсто со последниот дел од трката на долги патеки, за кој „често се вели дека е најтежок“.
„Процесот на дезинфлација во текот на последната милја ќе биде понеизвесен, побавен и потежок“, рече Шабел, предупредувајќи на новите предизвици, како што се тензиите на Блискиот Исток, штрајковите во рафинериите за природен гас во Австралија и глобалното затоплување. Тие би можеле „да го попречат процесот на дезинфлација“, додаде таа, повикувајќи на истрајност и будност.
„Целта за инфлација сега е на дофат“, рече Шнабел. „Сепак, да почнеме да славиме кога ќе ја завршиме последната милја“, додаде таа.
И гувернерот на холандската централна банка Клас Нот претходно изјави дека веројатно ќе биде потребно извесно време инфлацијата да се врати на целта од два процента.
„Лично, дури и ако новите податоци ги потврдат најновите проекции од септември, сегашното ниво на нашите каматни стапки го гледам како добра мерка за тоа каде можат да останат тие долго време“, рече Нот.
