.webp){kind=icon}
Протокот на стоки во внатрешноста на Европа почнува да се намалува бидејќи нивото на водата на реката Рајна продолжува да опаѓа.
Недостигот на вода придонесува за проблеми со снабдувањето со нафтени продукти во Швајцарија и спречува најмалку две електрани во Германија да ги добијат целите колични на јаглен што им е потребни. Згора на ова, се предвидува дека летните температури на континентот ќе се искачат уште повисоко во текот на наредната недела.
Реката Рајна долга околу 1.288 километри тече од Швајцарија до Северното Море и се користи за транспорт на десетици милиони тони стоки низ внатрешноста на Европа. Нивото на водата е најниско за овој период од годината од најмалку 2007 година, според владини податоци, со што се ограничува количеството на гориво, јаглен и други витални товари што пловилата може да ги ностат по реката.
Ова, заедно со проблемите со капацитетот на германските железници, значи дека Швајцарија се бори со испораките на нафтени деривати, главно дизел и нафта за греење, посочуваат од организацијата за увозници на гориво на оваа земја без излез на море.
Во меѓувреме, електраните во Манхајм и Карлсруе во Германија, управувани од Grosskraftwerk Mannheim AG и EnBW AG, се мачат да набават јаглен поради плитката вода, додека земјата стравува дека Русија нема да го рестартира протокот во клучниот гасовод „Северен тек 1“. Компаниите велат дека нивните операции за производство во моментот не се засегнати.
Поради тесниот пазар за јаглен и ниските нивоа на Рајна што ја отежнуваат испораката на гориво, само 65 отсто од капацитетот за јаглен на Германија ќе биде достапен во наредните месеци, според аналитичарот на S&P Global Commodity Insights, Сабрина Кернбихлер.
Германија, исто така, увезува нафтени производи преку Рајна, вклучувајќи гориво и нафта за греење. Во моментот нема недостиг на бензин или дизел во земјата, според Херберт Рабл, портпарол на Tankstellen-Interessenverband e.V., која ги претставува закупувачите и сопствениците на бензински пумпи во Германија.
„Шел“, која ги поседува рафинериите Веселинг и Годорф долж Рајна, ја следи ситуацијата, според портпаролот на компанијата.
