Паѓаат нарачките, паѓа потрошувачката, паѓа расположението. Расте само невработеноста. Германија, според тамошната централна банка, Бундесбанката, е во рецесија. Дополнително, Бундесбанк прогнозира дека по овогодишниот пад, економијата во земјата едвај ќе расте и в година.
Она што ја влече надолу најголемата економија во Европа е индустријата. Трошоците на потрошувачите се ограничени, скапите задолжувања ги забавуваат инвестициите. Поради овие фактори, прогнозата за индустриското производство за оваа 2023 година е пад од 0,1 отсто.
Во неодамнешното соопштение од претседателот на Бундесбанката, Јоаким Нагел се наведува дека од почетокот на следната година „германската економија најверојатно ќе се врати на експанзивен пат и постепено ќе забрза“. За следната година се очекува раст од 0,4 отсто и 1,2 отсто во 2025 година.
Октомврискиот резултат покажува дека закрепнувањето на германската индустрија сè уште недостига.
06.12.2023
Изгледите за Германија не се добри ни кога станува збор за инфлацијата. Последните анализи покажуваат дека земјата ќе биде аутсајдер во еврозоната и до 2025 година ќе се бори да ја врати инфлацијата на целните два отсто.
Блумберг Терминал/Движење на индексот за потрошувачките цени во Германија (со прогнози за 2023 и 2024 година)
Закрепнувањето изгледа далечно
Значаен показател за правецот во кој ќе се движи германската економија е Индексот на очекувања на „Ифо“ институтот. Овој индекс го мери расположението на стопанствениците и овој месец падна за прв пат по август што не навестува добро за оние кои мислат дека најголемата економија во еврозоната би можела да почне да закрепнува на почетокот на следната година.
„Економијата е слаба, и чекавме закрепнување некое време, но не ми се чини дека тоа доаѓа“, изјави за „ТВ Блумберг“ Клеменс Фуест, претседател на Институтот „Ифо“. „Тоа е загрижувачки“, додаде тој.
Според него, земјата останува заложник на несигурните потрошувачи, слабата глобална побарувачка и геополитичките тензии.
Блумберг Терминал/БДП во Германија со прогноза за 2023 и 2024 година
Производството – столбот на германската економија – е погодено од скапата енергија, високите трошоци за задолжување и слабата глобална побарувачка. Компаниите веќе ги намалуваат трошоците, а најголемиот производител од хемиската индустрија БАСФ (BASF SE) планира да ги намали инвестициите за речиси 15 отсто во следните четири години.
Колку е намалена побарувачката на германските производи покажува податокот за нарачките – во октомври тој неочекувано се намали за 3,7 отсто по септемврискиот раст од 0,7 отсто. Овој пад е многу над очекувањата на аналитичарите кои сметаа дека нарачките во септември ќе се зголемат за 0,2 отсто.
И невработеноста во ноември неочекувано се зголеми и сега е на највисоко ниво во последните две и пол години, што е знак дека слабоста на најголемата европска економија почнува да влијае на нејзиниот пазар на труд кој беше најотпорната точка на економијата.
Во ноември стапката на невработеност се искачи на 5,9 отсто, во споредба со претходниот месец, или за 22.000 лица
Блумберг Терминал/Стапка на невработеност во Германија со прогнози за 2023 и 2024 година
„Економскиот пад остава свој белег“, рече Андреа Налес, шефица на германската Федерална агенција за труд. „Вработеноста сега расте само маргинално, а побарувачката за работници продолжува да слабее“.
Според декемвриските податоци на институтот „Ифо“ поголема побарувачка за работници има само кај давателите на услуги односно кај компаниите од ИТ и туристичката индустрија.
Отпуштања се планирани во угостителството, а речиси сите индустрии ќе се задоволат со помалку работници.
Влијание врз македонската економија
Германија е најголем трговски партнер на Македонија. Од вкупните стоки што излегуваат од земјава, 45 отсто одат за Германија. Оттука, логично е тоа да се преслика на податоците за трговската размена на земјава.
Вашата претплата не може да се зачува. Ве молиме обидете се повторно.
Вашата претплата е успешна.
Заклучно со третиот квартал вкупниот увоз на стоки во Македонија се намали за 10,5 отсто, според аналитичарот на „Блумберг Адрија“, Михаел Блажековиќ ова значи дека извозот и натаму ќе се намалува поради „зависноста на извозот од увозот на инпути за финални извозни производи“.
Кога се работи за извозот кон Германија во истиот период споредено со лани, забележан е пад од 10,3 отсто.
Прогнозите за следниот период се песимистички особено поради тоа што постои силна извозна концентрација односно само мал број компании извезуваат мал број производи во Германија. Првите десет производи кои имаат најголема извозна вредност чинат над 87 отсто од вкупниот извоз на земјава кон Германија, исто толкав е и уделот на првите десет најголеми компании кои извезуваат на германскиот пазар, рече неодамна во разговор за Блумберг Адрија ТВ претседателот на Клубот на извозници при Стопанската комора на Македонија, Дарко Лазаров.
„Во таа насока, мали шокови во побарувачката во Германија имаат силни импликации врз нашиот извоз. Ние треба да работиме кон извозна диверзификација во други земји, но и на диверзификација на извозот во Германија. Сè повеќе компании треба да бидат стимулирани да извезуваат на германскиот пазар со сè повеќе производи“, вели тој.
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Кинеските власти соопштија дека ќе започнат истрага за медицински CT рендген цевки увезени од САД и Индија и ќе го стопираат увозот на производи од живина од две американски компании.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
