Продукти вредни десетици милиони фунти се оставени на британските ниви да гнијат затоа што фармерите не можат да најдат работниците за да ги соберат плодовите и тоа во време кога кризата со растечките цени се влошува.
Овошје и зеленчук во вредност од околу 22 милиони фунти (27 милиони долари) беа фрлени во првата половина од годината заради недостигот на работници, покажуваат податоците од анектата на Националната унија на фармери во која учествувале околу 200 одгледувачи. Со оглед на тоа дека анкетата опфаќа околу третина од полјоделскиот сектор, вкупната загуба би изнесувала околу 60 милиони фунти, во време кога цените во продавниците се движат кон рекорд.
„Ова не е ништо друго освен лакрдија кога квалитетна храна се фрла во време кога семесјтвата низ земјата се борат да спојат крај со крај заради растечките цени“, вели заменикот претседател на Унијата, Том Брадшо.
Bloomberg
Иако во повеќе сектори фалат работници, на фармерската индустрија и е особено тешко да најде работна сила затоа што работните места се сезонски и подразбираат долги часови тешка физичка работа за мала плата. Брекзит дополнително ги искомплицира процедурите за вработување лица од ЕУ.
Бројот на свињи на британските фарми е намален за илјадиници во однос на минатата година заради недостигот на персонал во фабриките за месо.
Фрлањето храна се случува за време на најсувиот јули од 1935 година.
Околу 40 отсто од испитаниците во анкетата на Унијата изјавиле дека имаат загуби заради недостигот на работници, и одгледувачите очекуваат нов пад од 4,4 отсто идната година. Бритнското производство на овошје и зеленчук во 2020 се проценуваше на 2,7 милијарди фунти.
Националната унија на фармери бара од Владата да ја прошири програмата за сезонски работници за да ги намали загубите во секторот.
.webp){kind=icon}
Во моментов нема коментари за веста. Биди прв да коментира...