.webp){kind=icon}
Британците излегуваат на протести против растечките трошоци на живот и високите сметки за енергија за кои има прогнози дека ќе достигнат до 5000 фунти догодина.
„Овие бројки се надвор од можностите на повеќето од луѓето низ земјата. Затоа демонстрантите бараат замрзнување на цените “, вели Кејт Андерсон, извршен директор на Шкотското електростопанство.
Тој ја повика Владата да понуди поддршка слична како за време на пандемијата со корона вирусот.
Кампањата наречена „Струја за луѓето во Глазгов“ (Power To The People Glasgow) почна со протест пред шкотското електростопанство во петокот, компанија во сопственост на шпанскиот енергетски гигант Ибердрола СА. Иницијативата која ја започнаа локалните синдикалци Мет Кер и Франсис Куран повикува за замрзнување на цените на енергијата, крај на плаќањето однапред, што е поскап метод на плаќање кој го користат посиромашните, и укинување на надоместоците за плаќање на сметките.
Одделната организација „Доста е доста“ (Enough is Enough), планира 50 протести низ Британија утре. Левичарската групација, поддржана од член на парламентот од Лабуристичката партија, Зара Султана и синдикалниот шеф Мик Линч бараат укинување на финансиското оптоварување за потрошувачите. Нивните цели се реално зголемување на платите, намалување на сметките за енергија и крај на сиромаштијата за храна, изградба на живеалишта со прифатливи цени и повисоки даноци за лицата со повисоки заработувачки и корипорациите.
Иницијативата „Не плаќајте“ (Don’t Pay) ги повикува потрошувачите да престанат да ги плаќаат сметките за енергија
„Како што луѓето ги шират разговорите, така неплаќањето ќе стане општествено прифатливо заради неправдата и нефер цените кои ги наметнуваат енергетските компании“, вели Џефри Џејмс, организатор на иницијативата за Блумберг.
Bloomberg
Близу 170.000 луѓе досега се пријавиле за неплаќање на сметките во октомври и досега околу 30.000 се потпишале за организирање протести.
Иницијативата „Не плаќајте“ почна за време на синдикалните протести во јуни организирани против компаниите како Шел, Сентрика кои со гас го снабдуваат речиси секое трето домаќинство во Британија, а објавија рекордни профити.
„Масовното неплаќње не е нова идеја“, вели Џејмс потстувајќи на слична иницијатива во времето кога премиерка беше Маргарет Тачер.
Во октомври, сите британски домаќинства треба да добијат по 400 фунти од владата како помош за плаќање на сметките, но со оглед на растот на цените оваа поддршка нема да го реши проблемот. Долгот за енергија во јули беше двојно поголем споредено со септември и изнесуваше 1,3 милијарди фунти, а тоа беше пред очекуваното зголемување на цените во октомври.
Овие протести се резултат на бранот штрајкови низ земјата заради растечките цени и реалниот пад на платите. Илјадници работници објавија штрајк, во следните неколку недели тоа ќе го направат и вработените во поштата. Медицинските сестри од Англија и Велс допрва ќе гласаат дали да штрајкуваат следниот месец и тоа би бил нивни прв штрајк во историјата.
Кол МекКеил, еден од организаторите на протетсите во Глазгов вели дека е инспириран од акциите низ Обединетото Кралство. „Тоа не генерира клима дека луѓето се подготвени да се борат само против работодавачите, туку и против енергетските компании. Тоа покажува колку на луѓето им е доста“, вели тој.
