Германската инфлација се приближува кон рекордно ниво

Германската инфлација забрзано се движи кон историски рекордно ниво поради растечките цени на енергенсите, како и поради најавите за затегнување на монетарната политика преку зголемување на каматната стапка во текот на следната недела, кога ќе заседава Европската централна банка (ЕЦБ).

Малопродажните цени во најголемата европска економија, пресметани според стандардите на Европската Унија (ЕУ), во месец август пораснаа за 8,8 проценти на годишно ниво, што е на ниво на проценките на аналитичарите на Блумберг.

Трошоците за храна и енергија најбргу растат според податоците од германската статистичка агенција, иако влијанието од нивниот раст делумно е компензирано со владината помош бидејќи мерките опфаќаат попуст за гориво и премногу евтин јавен превоз.

Но, тие мерки наскоро ќе престанат да важат, што укажува на натамошен забрзан раст на цените. Се очекува дека податоците за инфлацијата во рамки на еврозоната, што треба да бидат објавени во среда, ќе покажат рекордно зголемување за 9 отсто.

Германската централна банка очекува дека инфлацијата во Германија ќе го надмине нивото од 10 отсто во последниот квартал годинава и смета дека прогнозите се многу неизвесни поради „нејасната ситуација“ околу пазарот на суровини како последица од руската инвазија врз Украина.

Тоа е најголема грижа всушност на целиот континент, со оглед на тоа дека ЕЦБ се соочува со неколку предизвици, не само инфлација без преседан, туку и со последици од притисокот од трошоците за живот, за што некои аналитичари велат дека предизвикува рецесија во еврозоната.

Иако се очекува дека креаторите на монетарната политика од ЕЦБ ќе ја зголемат каматната стапка за половина бод на 8 септември сепак, некои предлагаат зголемувањето да биде за 0,75 процентни поени, слично на агресивните чекори што во последниот период ги преземаат Американските Федерални резерви (ФЕД).

Има и позитивни вести денеска, а тоа е дека цената на енергијата во Европа се намалија поради плановите за итна реакција од страна на Европската Комисија. Иако тргувањето и натаму е нестабилно, земјите во регионот успеваат да ги пополнат складиштата со резерви на природен гас, потребни за време на зимската грејна сезона.

Од друга страна, Шпанија извести за забавување на инфлацијата во однос на рекордното ниво постигнато во јули. Министерката за економија Надја Калвино извести дека тој тренд „би требало да продолжи“ и во наредните месеци, иако аналитичарите предупредуваат дека повлекувањето ќе биде на етапи.

Во моментов нема коментари за веста. Биди прв да коментира...

Остави коментар