ММФ повикува на фискална реконструкција на ЕУ

Меѓународниот монетарен фонд (ММФ) ја повика Европската унија (ЕУ) да направи реконструкција на својата фискална рамка поради високиот долг и растечките каматни стапки, потенцирајќи дека реформите се клучни за избегнување на должничка криза, која што „би можела да ја доведе во опасност и самата Унија“.

„Сред економска неизвесност и фискални предизвици, кои што се пред нас, реформите на фискалната рамка на ЕУ не може да чекаат“, напиша директорот на одделот за фискални работи на ММФ, Витор Гаспар.

Меѓу трите клучни препораки на ММФ е создавање т.н. фискален капацитет на ЕУ, што би се финансирал по пат на заедничко издавање на должнички хартии од вредност. Тоа би можело да им помогне на членките на еврозоната подобро да управуваат со економските падови.

Таа идеја е слична со фондот на ЕУ за заздравување од пандемијата, вреден 800 милијарди евра, што беше основан во 2020 година, со тоа што особено е значајно барањето обврзниците да се издаваат како дел од блокот, а не секоја земја да ги издава поединечно како членка. Верзијата на ММФ би вклучила климатски ивестициски фонд, што би помогнал на земјите за намалување на емисијата на јаглерод диоксид и конечно да ја реализира својата независност од рускиот гас.

ММФ предложи нов фонд, како дел од пошироката ревизија на Пактот за стабилност и раст, главната рамка за фискална политика на ЕУ, за што би требало министрите за финансии на ЕУ да расправаат неделава.

Барањето е 27-те држави членки да имаат цел буџетскиот дефицит да го намалат под 3 отсто од бруто домашниот производ и националните долгови да ги намалат под 60 отсто.

Тоа значи дека постои „лепеза на можности“ да се преземат реформи, напиша директорот на одделот за фискални работи на ММФ.

Европската комисија, која што е извршна рака на блокот, би требало да изнесе сопствени идеи за фискалната ревизија во наредните недели. Владите на членките се поделени околу тоа колку би требало да биде амбициозен планот, при што некои ги фаворизираат мерките за исполнување на инвестициските потреби, додека други се фокусираат на фискалната стабилност.

Останатите елементи на предлогот на ММФ вклучуваат:

-Државите членки да развијат сопствени среднорочни буџетски планови, што би ги проценил новиот, независен Европски фискален совет. Земјите од ЕУ, исто така, би поставиле долгорочни годишни рамки на потрошувчка.

-Државните членки со кревки финансии би морале да објават урамнотежен буџет или суфицит во следните три до пет години, додека тие со помал долг би имале поголема флексибилност, охрабрувајќи ги владите да градат „амортизер за кризи“ во добри економски времиња.

Во моментов нема коментари за веста. Биди прв да коментира...

Остави коментар