Дете уби деца. Повреди деца и наставничка. Го уби чичкото од обезбедувањето. Тука, на само 400 километри на север, а не на лош филм.
Сè ќе биде во ред, каматите ќе паднат, и инфлацијата исто така. И недвижностите можеби ќе поевтинат. Ама за што е сето тоа ако ние како родители, како систем, си ги зафркнавме дури и сопствените деца.
Вест на неделата е трагедијата во Белград. Од помалку важните работи неделава, издвојувам:
Претседателот Пендаровски ја зеде априлската плата зголемена за 72.000 денари. Му беше исплатена веднаш по Денот на трудот, кога на протест синдикалците побараа исто такво покачување на платите (од 78 отсто) за сите работници. Со вакво зголемување на платите, бенефиција ќе има и автомобилскиот сектор, ќе можеме да купуваме и електрични возила.
По 10 месеци забави базичната инфлација во еврозоната, па ЕЦБ го намали темпото на затегнување и ја зголеми каматната стапка само за четвртина процент, на 3,25 отсто. Високите камати и инфлацијата ќе бидат причина за ладење на пазарот на недвижности во регионот Адрија. Нашите аналитичари во последната анализа очекуваат намалување на побарувачката за станови и пад на цените за пет отсто.
И ФЕД очекувано ги зголеми каматите за 25 поени, но агресивната политика од претходната година изврши силен притисок врз американскиот банкарски систем, што доведе до најголеми банкарски крахови од 2008 година. Од март досега пропаднаа три големи банки.
На домашен терен продолжува објавувањето податоци за резултатите на компаниите во првиот квартал. Телеком ја зголеми добивката во овој период, а ние анализиравме зошто. Истраживме и колку Македонците вложуваат во акции во странство додека Македонската берза и натаму страда од слаба ликвидност, но ништо подобро не е ни во регионот. Анализиравме дали берзанско поврзување е клучот за успехот? И не само на пазарите на капитал туку и на пазарите на струја.
За крај издвојувам и две содржини од „Блумберг бизнисвик Адрија“. Милениче или дете – што би сакале повеќе и колку пати дневно ви доаѓа да му наредите некому сѐ по список.
.webp){kind=icon}
