text size
Неделата ја обележаа државните обврзници, чии приноси достигнаа највисоки нивоа во последните 20 години. Интервенираше американското Министерство за финансии преку откуп на обврзници, но се чини дека потегот на Скот Бесент не го убеди пазарот, а аналитичарите велат дека доларот би можел да биде најголемиот губитник од државната интервенција. Ние анализиравме како овие турбуленции можат да влијаат на македонскиот долг.
Биткоинот имаше добра недела забележувајќи ја најголема неделна добивка во повеќе од две години. А нафтата вчера го заврши упорниот нагорен тренд, обезбедувајќи олеснување за зголемените грижи поради инфлациските притисоци. В понеделник ќе видиме дали овој тренд ќе се преслика на македонските бензински пумпи, каде што дизелот одново се доближи до 100 денари за литар.
Тензиите на Блискиот Исток продолжуваат, а фрустриран што Иран и натаму одбива да капитулира, американскиот претседател Доналд Трамп објави планови да ѝ нанесе економска штета на земјата. Сепак, аналитичарите велат дека Трамп може да се соочи со удар од Кина при обидот економски да го притисне Иран.
Во Европа, пак, оптимизмот се врати на нивото од пред војната со Иран. Притоа, германскиот производствен сектор во август го забележа најдобриот резултат во повеќе од четири години, придонесувајќи вкупната деловна активност да расте втор месец по ред.
Но економски притисок и натаму постои, па на Стариот Континент повторно се става на маса идејата за заедничко задолжување на Европската Унија, тема за која до неодамна се чинеше дека е политички затворена. Анализиравме што би значело тоа за Македонија.
Инфлациските притисоци исто така остануваат во сила. Истражувањата покажуваат дека во САД повеќе се троши, а помалку се купува. Ние ви откривме како да го заштитите портфолиото од инфлација.
Прочитајте повеќе:
Време ли е со индивидуални инвестициски сметки да се прероди пазарот на капитал во Македонија?
Македонците имаат 3,6 пати помалку банкарски депозити по жител од Словенците
По „Спејс екс“, есенва ќе следува ИПО-то на „Антропик“, а компанијата очекува да го достигне или надмине рекордното берзанско деби на компанијата на Илон Маск. Лудило на берзите предизвика и кинеска компанија за хуманоидни роботи, а бумот на вештачката интелигенција во Кина го претвора Star 50 во важен берзански индекс.
И додека многумина си го поставуваат вечното прашање колку треба за еден берзански балон да пукне, претседателката на Европската централна банка, Кристин Лагард, смета дека Европа не смее да ја пропушти оваа револуција на вештачката интелигенција.
Прочитајте повеќе:
ВИ ќе укинува работни места и во Македонија - кои се први на удар?
Кризата со хелиумот продолжува, засегната ли е и Македонија?
Инвестициите во обновливи извори на енергија, особено во фотоволтаици, во следните период ќе создадат многу отпад, кој, ако правилно се рециклира, може да донесе милијарди долари, но и да помогне во борбата со климатските промени.
Овие промени рекордно ја зголемија температурата на морињата, што носи закана од силни бури во Европа, која и така скапо го плати жешкото лето. Следното прашање е колку скапа ќе биде зимата.
.webp){kind=icon}
