Владата донесе одлука за прераспределба на буџетот

Владата на последната седница ја усвоила предлог-одлуката за прераспределба на средства помеѓу буџетските корисници на централната власт и помеѓу фондовите. „Блумберг Адрија“ минатата недела објави дека прекројувањето е во тек, а клучна причина за прераспределбата е да се обезбедат пари за најавените зголемувања на платите, кои треба да бидат префрлени од други ставки.

Од Владата денеска соопштија дека со донесените владини заклучоци се предлага прераспределба на средства помеѓу буџетските корисници и фондовите за 2023 година, поради што за спроведувањето на предложениот закон за изменување и дополнување на Законот за извршување на буџетот, според образложението од предлагачот на точките, Министерството за финансии, не се потребни дополнителни финансиски средства.

„Со прераспределбата на средства помеѓу буџетските корисници и фондовите за 2023 година се обезбедуваат средства за зголемување на платите за 10 проценти од  септември 2023 година и исплата на регрес за годишен одмор за 2023 година во согласност со одредбите од Општиот колективен договор за вработените во јавниот сектор; дополнителни средства за пораст на пензиите од септември 2023 година; се обезбедуваат средства за спроведување мерки за надминување определени непредвидени состојби во стопанството, се обезбедуваат дополнителни средства за субвенции во областа на земјоделството и образованието; поддршка на домашни и странски компании преку обезбедување дополнителни средства за државна помош; се обезбедуваат дополнителни средства за исплата на правата од социјалното осигурување; набавка на лекови во областа на здравството и слично“, соопштија денеска од Владата.

 
По утврдувањето од страна на Владата, предлогот на закон за изменување и дополнување на Законот за извршување на буџетот на Република Северна Македонија и предметната предлог-одлука ќе бидат доставени до Собранието на Република Северна Македонија.

Во моментов нема коментари за веста. Биди прв да коментира...

Остави коментар