Голем интерес пројавен на денешната аукција за најновиот финансиски инструмент на пазарот - зелената обврзница. На аукцијата за првата емисија имаше побарувачка за скоро три пати повеќе, односно беше доставена понуда во износ од 1,635 милијарди денари. На аукцијата беа запишани зелени обврзници во износ од 10 милиони евра.
„Интересот за овој нов финансиски инструмент што го воведовме на пазарот беше навистина голем. На аукцијата беше понуден износ од 1,635 милијарди денари, но како што најавивме, Министерството за финансии, запиша зелени обврзници во износ од 600,020 милиони денари. Интерес имаше од банки, финансиски институции, но и од физички лица. Тоа покажува дека на пазарот за капитал се потребни нови, креативни и иновативни инструменти кои ќе ја збогатат понудата и ќе овозможат на инвеститорите да го прошират своето финансиско портфолио“, рече министерот за финансии Фатмир Бесими.
Средствата обезбедени од издавањето на оваа прва емисија на зелена обврзница ќе бидат насочени во Фондот за енергетска ефикасност во рамки на Развојната банка од каде компаниите ќе може да добијат средства по поволни услови за своите зелени инвестиции.
Прочитај повеќе
Новите обврзници ќе ги кренат каматите на депозитите
Новите финансиски инструменти ќе ја збогатат понудата на македонскиот пазар на капитал, но ќе бидат и конкуренција за банките.
03.10.2023
Државата ги раздолжува општините издавајќи им структурни обврзници
Во вториот квартал од годинава јавниот долг на Македонија изнесува 8,3 милијарди евра, што е 57,9 отсто од БДП.
29.09.2023
Наша прогноза: Ќе има огромен интерес за зелената обврзница
Високата камата ќе ги привлече инвеститорите што, меѓу другото, сакаат да покажат ЕСГ-инвестиции во своето портфолио.
03.10.2023
Министерството за финансии ќе издаде зелена обврзница со камата од 4,75 проценти
Станува збор за нова хартија од вредност, која што има за цел финансирање нови и постојни зелени проекти
27.09.2023
Издадените зелени обврзница се со рок на доспевање од 2 години со каматна стапка од 4,75 отсто годишно , односно ќе доспеат на 5 октомври 2025 година, а каматата ќе биде исплатена на 5 октомври 2024 година за првата година и на 5 октомври 2025 година за втората година, заедно со главнината.
Инаку, зелените обврзници се хартии од вредност што ќе се користат за инвестициски проекти за зелен развој. Тие се наменети за поттикнување и поддршка на проекти за унапредување и заштита на животната средина и за финансирање еколошки проекти. Целта е поттикнување и забрзување на инвестициската активност во земјата и забрзување на економскиот раст.
Зелената обврзница на пазарот на хартии од вредност доаѓа по успешното воведување на граѓанската обврзница, за која беше објавена првата емисија во текот на јули 2023 година и за која интересот беше два и пол пати поголем од објавениот износ на проспектот на обврзницата.
Средствата од двата инструмента се поддршка на развојната компоненета на Буџетот за 2023 година.
Овој инструмент, како и претходно воведената граѓанска обврзница, е нов производ на домашниот пазар и е предвиден со Стратегијата за развој на пазарот на хартии од вредност, Стратегијата за управување со јавниот долг и Планот за забрзан економски раст.
Согласно Стратегијата за развој на пазарот на капитал и Планот за забрзан економски раст покрај овие два инструмента, во наредниот период на пазарот ќе бидат понудени и проектни и развојни обврзници, коишто се насочени кон развојни проекти и проекти поврзани со инфраструктурата. Дополнително, по издавањето на зелената обврзница во текот на овој месец ќе биде издадена и втората граѓанска обврзница.
.webp){kind=icon}
Во моментов нема коментари за веста. Биди прв да коментира...