Македонија и останатите потписнички на договорот за формирање за Енергетската заедница ќе мораат целосно да ја имплементираат ЕУ-регулативата во енергетскиот сектор доколку сакаат да станат дел од европскиот пазар на струја. Ова е една од главните пораки од 21. министерски совет на Енергетската заедница кој се одржа денеска во Виена, Австрија под мотото „Поплочување на патот кон одржлива енергетска иднина“.
Новините од националното европското законодавство поврзани со енергетскиот сектор, буџетот на Енергетската заедница за 2024/2025 година, до каде е спроведувањето на договорот, изработката на патоказ за декарбонизација беа дел од темите кои се разгледуваа на состанокот.
Клучен резултат од денешниот состанок е одлуката да се продолжи животот на заедницата за уште десет години, период во кој треба да се реализира трансформацијата на енергетскиоит сектор во земјите-потписнички.
Директорот на Секретаријатот на Енергетската заедница, Артур Лорковск рече дека продолжувањето на договорот е важно за инвеститорите. „Тие ќе имаат можност да предвидат како ќе се движи легалната рамка во енергетскиот сектор кај земјите членки на Енергетската заедница“, изјави Лорковск.
Тој додаде дека приоритет на Енергетската заедница е пазарот на струја. „Дали земјите-потписнички ќе станат дел од европскиот пазар на електрична енергија ќе зависи само од нив односно од тоа дали ќе ја имплементираат ЕУ-регулативата“.
Генералната директорка на Европската комисија за енергетика (ДГ ЕНЕР), Мехтилд Ворсдерфер изрази задoволство од спроведувањето на потребните реформи во земјите потписнички.
„Државите имаат направено многу, но се‘ уште треба да се работи во имплементирањето на ЕУ регулативата“, изјави Ворсдефер.
Блумберг Адрија
Енергетската заедница е меѓународна организација која ги обединува Европската Унија и нејзините соседи во намерата да создадат интегриран паневропски енергетски пазар. Организацијата е создадена со договорот за основање на Енергетската заедница потпишан во октомври 2005 година во Атина, Грција, кој е на сила од јули 2006 година. Клучната цел на Енергетската заедница е проширување на правилата и принципите на ЕУ на внатрешниот пазар на енергија на земјите во Југоисточна Европа, Црното Море регионот и пошироко врз основа на правно обврзувачка рамка.
Енергетската заедница има девет договорни страни: Албанија, Босна и Херцеговина, Косово, Македонија, Грузија, Молдавија, Црна Гора, Србија и Украина. Европската Унија е потписник на договорот за енергетска заедница и е претставувана од Европската комисија, која служи како постојан потпретседател на организацијата.
Блумберг Адрија
Секоја земја-членка на Европската унија може да добие статус на учесник. Ерменија, Норвешка и Турција учествуваат како набљудувачи. Министерскиот совет на Енергетската заедница служи како највисоко тело за одлучување, се состанува секоја година за да се утврдат клучните приоритети и да се води извршувањето на договорот.
.webp){kind=icon}