Цената на нафтата изразена во евра е малку нагорно коригирана за 2024 година, а надолно за 2025 година, но ревизијата не претставува и промена на очекуваната патека, односно и натаму се очекува пад на цените од 0,7 проценти и 8,7 проценти во 2024 и 2025 година, информира Народната банка во новиот квартален извештај. Имено, лани во октомври се прогнозираше пад на цената на нафтата од 1,4 процент годинава и од 8 проценти следната година.
„Нагорната ревизија за 2024 година е резултат главно на мерката за намалување на производството на нафта од страна на земјите членки на ОПЕК+“, соопшти Народната банка.
Оттаму објаснуваат дека на состанокот одржан на 3.3.2024 година, земјите членки на ОПЕК+, Саудиска Арабија, Ирак, ОАЕ, Кувајт, Казахстан, Алжир и Оман, одлучија да ја продолжат мерката за доброволно дополнително намалување на производството на нафта за дополнителни 2,2 милиона барела на ден до крајот на вториот квартал на 2024 година.
Прочитај повеќе
Бакарот може да задржи висока цена во следните три месеци
Основните метали остварија големи добивки во текот на изминатите неколку недели, при што бакарот достигна цена од околу 10.000 долари за тон.
22.04.2024
ББА-анализа: Злато, сребро или акции - што е поисплатливо?
Златото е многу барано и во 2023 година, поради рецесиското опкружување, рестриктивните монетарни политики и сѐ уште покачената инфлација.
13.11.2023
„Ситигруп“: Трката на инвеститорите го турка златото кон 3.000 долари
Според „Ситигруп“, златото ќе биде водено од зголемените инвестициски приливи.
16.04.2024
Геополитичките тензии го турнаа златото до нов рекорд
Златото достигна нова рекордна цена во услови на геополитички и економски тензии, вклучувајќи ги и подготовките на Израел да го нападне Иран.
12.04.2024
„Оваа мерка е како продолжување на мерката донесена во ноември 2023 што предвидуваше дополнително намалување (приспособување) на производството на нафта, на претходно пресметаното ниво на производство за 2024 година, во согласност со одлуките од јуни (4.6.2023 година), и е дополнување на доброволните намалувања од април 2023 година, кои потоа беа продолжени до крајот на 2024 година“, наведуваат од Народната банка.
Од банката укажуваат дека во однос на цените на металите, ревизиите се дивергентни. Имено, во согласност со најновите оцени, за 2024 година се очекува поголем пад на цените на никелот, а мал раст на цената на бакарот наместо пад, додека за 2025 година се очекува нивна стабилизација, речиси исто како прогнозата во октомври. Кај цените на челикот, оцените се речиси непроменети, при што и натаму се очекува мал ценовен пад во целиот период на проекциите.
„Ваквите поместувања кај цената на никелот се резултат на изгледите за повисоко глобално производство на никел, главно од Индонезија и Кина, додека кај цената на бакарот се резултат на изгледите за недостиг од страната на понудата поради прекините во производството“, посочуваат од Народната банка.
Во однос на цените на прехранбените производи, за 2024 година се очекува значително поголем ценовен пад на пченката и пченицата од претходно проектираниот во октомври.
„Надолната ревизија кај цената на пченицата се должи на поголемиот извоз од претходно очекуваниот од Русија и Украина, додека кај пченката тоа е одраз на очекувањата за поголемо ниво на глобални резерви. Од друга страна, за 2025 година цените се ревидирани нагоре, при што сега се очекува раст наместо пад на цената на пченката и поголем раст на цената на пченицата“, пишува во извештајот на Народната банка.
.webp){kind=icon}
