text size
Владата го усвои ребалансот на буџетот за 2024 година според кој вкупните приходи се планирани на 318,15 милијарди денари (околу 5,1 милијарди евра), што е зголемување за 8,22 милијарди денари (133 милиони евра) во однос на првичните проекции. Расходите се планирани на 362,81 милијарди денари (околу 5,8 милијарди евра) што е зголемување од 19,17 милијарди денари (311 милиони евра) во однос на претходниот буџет.
Министерката на финансии Гордана Димитриеска Кочоска на денешната прес-конференција претставувајќи ги главните измени на буџетот соопшти дека вкупно 4,1 милијарда денари (66 милиони евра) ќе се одвојат за плати и пет милијарди денари (81 милион евра) за исплата на пензиите.
Таа посочи дека инфлацијата е предвидена на ниво од 3,5 проценти, а растот на нето платата за 13 проценти.
Прочитај повеќе
Фити: Дисциплинирана фискална политика за висока економска стабилност
Клучните предизвици за македонската економија се поврзани со она што се случи по кризата од 2007-2009 година.
29.05.2024
Црвениот аларм за јавниот долг одамна свети - има ли излез?
Фискалниот простор на државата е потрошен и фискалните политики мора да се водат прудентно.
27.05.2024
Справувањето со сивата економија ќе донесе повеќе пари во буџетот
Јавниот долг на Македонија гравитира околу психолошката граница од 60 отсто од БДП.
07.05.2024
Трошењата пред избори по забрзан бројчаник, а нема кој да ги контролира
Буџетскиот дефицит само во првата недела од април се зголеми за над 10 милијарди денари.
11.04.2024
„При подготовката на ребалансот се тргна од претпоставките колку средства може да се прераспределат од ставки кои бележат слаба реализација. Со прераспределбата се обезбедени 20 милијарди денари (325 милиони евра), а дополнителни 11 милијарди денари (178 милиони евра) се планирани за покривање на доспеаните обврски и обврски кои биле законски, а не биле планирани. Тоа резултира буџетскиот дефицит да се зголеми за 11,1 милијарда денари (181 милиони евра“, истакна Димитриеска Кочоска.
Таа информира дека од 2024 до 2028 државата само по основ на камати треба да исплати 1,8 милијарди денари (29 милиони евра).
Димитриеска Кочоска ја почна прес-конференцијата со констатација дека општата состојба била полоша од очекувањата на Владата.
„Ветив дека ќе бидам секогаш искрена пред граѓаните. Затекнавме состојба која значи држава во хаос и долгови, список на желби наместо развој. Економијата е во клиничка смрт“, нагласи Димитриеска Кочоска.
Таа додаде дека буџетот е оштетен за повеќе од 32 милијарди денари (520 милиони евра). Таа очекува, како што напомена, за ваквите состојби да реагира Основното јавно обвинителство.
„Можам да кажам дека има многу доспеани обврски кои не се пријавувани. Понатаму надлежноста е на другите иституции. Јас ги кажувам констатираните состојби во Министерството за финансии“, истакна Димитриеска Кочоска.
.webp){kind=icon}
