Кина повторно значајно ја зголеми квотата за извоз на гориво бидејќи тамошните рафинерии мачно се обидуваат да ја надоместат ниската домашна побарувачка со поголема продажба во странство.
Седум рафинери и трговци добија дозвола за извоз на 12 милиони тони бензин, дизел и млазно гориво во третата државна распределба за 2023 година, потврдуваат индустриските консултанти ЈЛЦ (JLC) и „Оилчем“ (OilChem). Со новата дозвола, количествата за извоз се зголемуваат повеќе од очекувањата на пазарот од 10 милиони тони, а оваа квота го зголемува и вкупното количество што е доделено за извоз годинава веќе на нивото над тоа од 2022 година.
Министерството за трговија, кое ги надгледува распределбите, не одговори веднаш на новинарското барање за коментар.
Квотата се совпаѓа со можниот врв на побарувачката на нафта во Кина оваа година. Околностите сега се слични на тие од крајот на минатата година, кога беше доделена поголема квота за да им се помогне на рафинериите и да се одржи економскиот раст. Со последното зголемување, вкупната квота за извоз досега за годинава изнесува 39,99 милиони тони.
Bloomberg Mercury
Нацијата во моментов се справува со криза во секторот на недвижности и послаб извоз, кој ја намалува потрошувачката на индустриски горива како дизелот. Побрзото прифаќање електрични возила во Кина исто така ја намали побарувачката на бензин.
Во меѓувреме порасна рафинерискиот капацитет, а тој раст го предводеше комплексот Гуангдонг на компанијата „Петрочајна“ (PetroChina Co.). Тоа најверојатно ќе придонесе за создавање домашен вишок на нафтени продукти и ќе предизвика поголем извоз.
Пет од седум компании добија средства за извоз на три милиони тони мазут со ниска содржина на сулфур, наведува ЈЛЦ.
Се очекува кинеските фабрики да го забрзаат својот септемвриски извоз за да ги надоместат помалите количества и маржи во август, потврди „Енерџи аспектс“ (Energy Aspects Ltd.). Продажбата на бензин, дизел и млазно гориво веројатно ќе се зголеми 15 отсто, на 3,7 милиони тони.
Вашата претплата не може да се зачува. Ве молиме обидете се повторно.
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Кинеските власти соопштија дека ќе започнат истрага за медицински CT рендген цевки увезени од САД и Индија и ќе го стопираат увозот на производи од живина од две американски компании.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
