.webp){kind=icon}
Американските работодавачи во здравствениот сектор се спровставија на растот на невработеноста во таа држава. Податоците покажуваат дека во август компаниите од тој сектор отвориле значаен број работни места, што иако не претставува просечен раст, сепак е умерено зголемување на новоотворени работни позиции.
Вкупната бројка на работни места во САД се зголемила за 315.000 во месец август, што сепак е помалку од јули кога таа бројка изнесуваше 526.000, покажува извештајот на Министерството за труд. Стапката на невработеност неочекувано се зголеми за 3,7 отсто со искачувањето на стапката на учество.
Економистите на Блумберг предвидуваа зголемување на работните места за 300.000, додека предвидуваа дека стапката на невработеност ќе биде 3,5 отсто.
Сé уште солидното придвижување во нагорна линија кога станува збор за новите вработувања, укажува на здрав апетит за труд во време на висока инфлација, зголемување на каматните стапки и неизвесни економски изгледи. Ваквата побарувачка за работници, заедно со постојаното зголемување на платите, продолжува да ги поттикнува трошоците на потрошувачките, што ја прави задачата на Федералните резерви (ФЕД) уште потешка во услови на забавена економија да ја скроти најлошата инфлација во последните децении.
Иако овие податоци може да влијаат во одлуката што ФЕД треба да ја донесе во врска со третото зголемување на каматната стапка годинава, пто се очекува да се случи кон крајот од месецов, сепак, главната улога ќе ја имаат податоците за малопродажните цени, што треба да бидат објавени за помалку од две недели. Според тој индикатор ќе се креира монетарната политика.
Каматите од краткорочните обврзници паднаа, додека S&P 500 индексот на фјучерси порасна. Доларот, пак, го продолжи денот со загуба. Речиси е сигурно дека ФЕД ќе продолжи со рестриктивната политика, но неизвесно е дали каматната стапка ќе се зголеми за 75 или за 50 базни поени, две можности за кои што се најголеми изгледите дека ќе се случи.
