Вести

Менопауза - причина вработените да сакаат работа од далечина

Извор: Kelsey Butler, Bloomberg

22. Септември 2022, 14:13

Заради симптомите на менопауза дури 22 отсто од анкетираните би размислиле за рано пензионирање

Жените на возраст меѓу 45 и 54 години сочинуваат 20 отсто од женската работна сила во САД.

Работните места кои не го препознаваат проблемот ризикуваат да ги загубат талентираните постари жени

Менопауза - причина вработените да сакаат работа од далечина

Bloomberg

Речиси половина од вработените жени на возраст од 40 до 55 години размислуваат да побараат работа од далечина за да можат да се справат со симптомите на менопауза, покажува новото истражување.

Во истражувањето нарачано од компанијата Carrot, 47 отсто од испитаниците рекле дека би размислиле да бараат далечинска или хибридна работа поради симптомите на менопауза. Речиси една третина од анкетираните жени изјавиле дека би размислиле да се префрлат од полно на скратено работно време, додека 22 отсто рекле дека би размислиле за предвремено пензионирање.

Carrot  со анкетата опфатил 1.000 американски работнички на возраст од 40 до 55 години кои се во предменопауза или менопауза, или биле во последните пет години.

Жените на возраст меѓу 45 и 54 години сочинуваат 20 отсто од женската работна сила во САД. Иако многу од нив доживуваат несоница, промени во расположението и топли бранови поврзани со менопауза и предменопауза, многу малку работни места нудат поддршка. Речиси четвртина од испитаничките рекле дека земале одмор од работа поради нивните симптоми, но причината ја криеле од својот работодавач.

„Работните места кои не го препознаваат проблемот се изложени на ризик да ги загубат талентираните постари жени“, вели главнaтa извршна директорка на Carrot, Тами Сан. „Многу од најквалификуваните и највредните жени се лидери во оваа група, а трошоците за замена за тие лидери се многу повисоки од просечните“,  вели таа.

Друга студија спроведена во Обединетото Кралство покажа дека 18 отсто од жените кои минуваат низ менопауза размислуваат целосно да ја напуштат работата.

Некои влади и компании почнаа да сфаќаат дека тоа е проблем. Владата на Обединетото Кралство има работна група за менопаузата, а Јапонија исто така почна да се занимава со ова прашање.

Зекири се товари дека го оштетил буџетот за околу 1,5 милиони евра
Општо

Зекири се товари дека го оштетил буџетот за околу 1,5 милиони евра

Зекири се товари дека спротивно на Законот и без спроведена постапка за јавна набавка склучил два договора за консултантски услуги за Пошта и Железници Транспорт вредни скоро 1,5 милиони евра.

пред 1 час

Сите новости од рубриката Магазин

Магазин

сите новости од рубриката Магазин