Европската централна банка (ЕЦБ) заговара построг пристап кон продавниците што одбиваат да примаат готовина, во обид да се осигури дека банкнотите и монетите остануваат сигурни средства за плаќање.
Претставниците на Европската комисија (ЕК) предложија внимателно да се следи прашањето и да се дејствува доколку практиката на неприфаќање готовина стане премногу распространета, но ЕЦБ верува дека најдобро би било јасно да се стави до знаење дека продавниците и давателите на услуги не смеат да ја исклучат готовината како форма на плаќање.
„Ширењето на таквата практика сериозно би ја поткопало правната улога на банкнотите и монетите. Во предложената регулатива треба да се вклучи нова одредба, која јасно ќе укаже дека едностраното отфрлање на употребата на готовина е забрането“, посочува ЕЦБ во својот официјален став.
Прочитај повеќе
Лагард: ЕЦБ ја следи цената на нафтата поради ризик од скок на инфлацијата
Европската централна банка ја следи цената на нафтата за какво било инфлаторно влијание од конфликтот меѓу Израел и Хамас.
17.10.2023
Лагард е сигурна дека ЕЦБ ќе ја врати инфлацијата на целта
Инфлаторната спирала „мора апсолутно да се избегне“, вели Лагард
08.10.2023
Еврото соочено со рекордни загуби на крајот од циклусот на ЕЦБ
Еврото многу лесно би можело да ја има својата најдолга серија на неделни падови од неговото воведување како валута.
15.09.2023
Каде се скри курсот на еврото во инфлацијата
Понатамошното зајакнување на еврото доведува до поместување на извозот, бидејќи тоа ја намалува ценовната конкурентност на еврозоната.
07.08.2023
Некои од централните банки во еврозоната изразија загриженост за ова прашање. На пример, холандската централна банка предупреди дека нивото на прифаќање готовина на некои места, вклучувајќи ги кината, паркинзите или аптеките, е премногу ниско.
Според податоците на ЕЦБ за периодот од 2019 до 2022 година, прифаќањето готовина опаѓа во повеќето членки на еврозоната, особено во Летонија и Финска.
Целта на предложената регулатива е да се зачува употребата на готовината при воведувањето на дигиталното евро, на што во моментов работи ЕЦБ. Идејата за дигитално евро поттикна сомнеж дека е наменета да ги замени банкнотите и монетите, што европските власти категорично го отфрлаат.
Како што објаснува ЕК, дигиталното евро би било дигитална валута издадена од ЕЦБ достапна за општата популација. Тоа би било исто како готовина, само во дигитална форма. Зад секое дигитално евро што ќе го користат потрошувачите ќе стои ЕЦБ, а тоа ќе се дистрибуира до граѓаните и бизнисите преку банките и другите даватели на платежни услуги.
„За разлика од криптовалутите, ЕЦБ би гарантирала дека дигиталното евро е безбедно, одржува стабилна вредност и може да се замени за готовина со еднаква вредност. Спротивно на тоа, криптоимотот значајно варира во вредноста и неговата замена во готовина во евра или пари од комерцијалните банки не може да се гарантира“, наведуваат од ЕК.
.webp){kind=icon}
