text size
Четири пати во краток период, од кој последниот вчера, Народната банка ја зголеми основната камата доведувајќи ја до ниво од 2,5 проценти. Монетарните потези за затегнување на политиката се во обид да се заузда растечката инфлација во земјава, а во услови кога речиси сите централни банки носат слични мерки. Но дали е ова доволно? Експертите велат категорично „не“ и сметаат дека во вакви услови неопходни се и фискални мерки, односно политики кои ќе ги креира Владата, а ќе бидат во насока на намалување на инфлаторниот притисок. Годинава од јануари до јуни годишната стапка на инфлација изнесува 10 отсто, во просек, што е повеќе во однос на последните проекции. Најголемиот дел од домашната инфлација е резултат на притисокот од увозните цени на храната и енергијата, коишто досега растат посилно од очекуваното. Од Народната банка велат дека овие притисоци брзо се прелеваат врз цените и на останатите производи и услуги и дополнително ги подгреваат инфлациските очекувања.
.webp){kind=icon}
