text size
Земјите од Г7 сакаат следната среда да објават на кое ниво ќе ја постават горната граница за цената на руската сурова нафта, укажува извор запознаен со тоа прашање.
Се очекува дека администрацијата на американскиот претседател Бајден тајно ќе го сподели својот предлог за цената пред состанокот на претставниците на Европската Унија (ЕУ), закажан за на 23 ноември, велат изворите, кои бараа да останат анонимни бидејќи станува збор за интерни разговори.
Ако надлежните од ЕУ го поддржат предлогот, планот е ограничувањето да се објави истата вечер, но точното време не е прецизирано. Ограничувањето, што особено ги засегаат групата Г7 и ЕУ, би им забраниле на компаниите да нудат опрема и услуги, како осигурување, посредување и финансиска помош, потребни за транспортот на руската нафта каде било во светот, освен ако нафтата не се продава под договорениот ценовен праг.
Прочитај повеќе
Светот брза да обезбеди нафта од Блискиот исток
За помалку од еден месец, на речиси сите компании во ЕУ ќе им биде забрането да купуваат од Русија
08.11.2022
Саудиска Арабија ја намали цената на нафтата за купувачите од Азија
Саудиската компанија „Арамко“ ги намали цените за декемвриската продажба во Азија за 40 центи.
04.11.2022
Планот за руската сурова нафта требаше да стапи во сила од 5 декември, но САД и Обединетото Кралство рекоа дека нивните компании ќе добијат период на приспособување заради истовар до 19 јануари, за да се земат предвид пратките што ќе бидат натоварени пред да стапи во сила ограничувањето.
ЕУ допрва треба да каже дали ќе ја прифати таквата одредба. Претставник од американското министерство за финансии, исто така, говорејќи под услов на анонимност, негираше дека САД ќе ја споделат предлог-цената со членките од ЕУ. Сојузниците претходно расправаа за поставување горна граница некаде помеѓу 40 и 60 долари за барел, опсег што се однесува на руската цена за производство од предвоениот период. Но не е исклучено да биде и повеќе од тоа.
Целта на ограничувањето е да ја задржи руската нафта на пазарот за да се избегне ценовен скок, а истовремено да се намалат приходите на Москва. Поголемиот дел земјите од Г7 и ЕУ оваа година ќе престанат да увезуваат руска нафта. Одредбите за нафтените деривати, вклучувајќи и ограничување на тие цени, би требало да стапат во сила на почетокот од следната година. ЕУ не одговори веднаш на барањето за коментар.
.webp){kind=icon}
