Кина, најголемиот производител на алуминиум на глобално ниво, увезува повеќе од лесниот метал од Русија, нагласувајќи со тоа дека трговските врски меѓу двете нации се зајакнуваат бидејќи санкциите го намалуваат поголемиот дел од апетитот за руски производи од остатокот од светот.
Руската продажба на рафиниран алуминиум во Кина се зголеми речиси тројно во април во однос на истиот месец претходната година, на 88.859 тони, според податоците на кинеската царина. Тоа е втор највисок износ досега, бидејќи уделот на Русија во вкупниот кинески увоз расте по нејзината инвазија врз Украина.
Bloomberg Mercury
Заднината на зголемениот увоз е долготрајното влијание на сушата во јужна Кина, што влијаеше на хидроенергијата на која се потпираат топилниците и го намали нивното производство. Производството на национално ниво во април падна за еден отсто на годишно ниво, на 3,334 милиони тони.
Но постојат и геополитички причини. Русија треба да ѝ продаде повеќе алуминиум на Кина бидејќи другите нации ги избегнуваат нејзините резерви поради војната. Во исто време, кинеските купувачи, кои можеби немаат лесен пристап до американски долари, можат да плаќаат во сопствена валута, со што се унапредуваат напорите на Пекинг да го глобализира јуанот на сметка на доларот, кој обично се користи за прекугранично тргување со стоки.
Трговијата функционира двонасочно. По почетокот на војната, Русија купува повеќе кинеска суровина за алуминиум, откако нејзиниот најголем производител „Јунајтед русал интернешнел“ (United Co. Rusal International PJSC) беше принуден да ја запре рафинеријата „Николаев“ во Украина, а Австралија ги забрани испораките поради инвазијата.
.webp){kind=icon}
