Кина воведува ограничувања за извоз на два метала клучни за производство на полупроводници и друга електроника. Овој потег најверојатно ќе ги зголеми трошоците за производителите на хардвер-системите и ќе ги влоши геополитичките тензии во трката за развој на напредната компјутерска технологија.
Според соопштението на кинеското министерство за трговија, почнувајќи од први август, галиумот и германиумот заедно со нивните хемиски соединенија ќе бидат предмет на контрола на извозот. Овие мерки ќе бидат во интерес на националната безбедност и на националниот интерес на Кина, се наведува во соопштението.
Кина е лидер во производството на 20 ретки суровини, вклучувајќи ги галиумот и германиумот, според нејзиниот удел во глобалното рударство. Овие два метала се користат во широка палета производи, како што се соларни панели, ласери, очила за ноќно гледање и компјутерски чипови.
Извозниците на двата метала ќе имаат обврска да аплицираат за лиценци што ќе ги добиваат од Министерството за трговија доколку сакаат да започнат или да продолжат да вршат извоз надвор од државата. Од фирмите ќе се бара да пријават детали за купувачите во странство и нивните апликации, а доколку бите потребно, истите тие ќе бидат разгледувани од Државниот совет.
Мерката доаѓа во време кога се води глобална битка за контрола на технологиите од витално значење на индустриските и воените капацитети, а може да се гледа и како ескалација на влошените односи меѓу Кина и стратегиските ривали, како што се САД.
.webp){kind=icon}
Во моментов нема коментари за веста. Биди прв да коментира...