Во мај пораснало домашното производство на струја. Растот посебно се однесува на термоелектраните. Во нив производство е зголемено за 132 отсто споредено со истиот месец лани, но е намалено во однос на апркил. Поголемо производство за 10 отсто има и во хидро електраните. Речиси исто зголемување има кај соларните централи, додека кај ветерните централи забележан е пад на производство од над 36 отсто во мај годоинава споредено со мај минатата година.
Најголем дел од струјата во земјава во мај била произведена токму во термоелекраните, најмал е уделот на комбинираната централа ТЕТО.
Неработењето на ТЕТО се гледа и по бројките за увоз на гас во мај, забележан е пад од 62,3 отсто споредено со лани.
Во мај земјава најмногу трошела струја од сопствено производство. Во бруто потрошувачката 75,7 отсто од енергијата била од домашно производство. Во изминатиот период земјава стана исклучително зависна од увозн заради намаленото производство на струја во домашните капацитет. За десет години, производство во термоцентралите се намалило за над 44 отсто.
Според познавачите на состојбите, зголеменото домашно производство, посебно во термоцентралите е подготовка за зимскиот период кој се очекува да биде исклучително тежок заради енергетската криза. Скапата струја и неизвесноста за снабдувањето со гас од Русија ќе бидат вистински предизвик на светката економија. Европската комисија веќе предложи план за штедење кој предвидува намалување на потрошувачката на гас за 15 отсто од август годинава до март следната година. А, владите во земјите членки на унијата веќе ги повикаа граѓаните да штедат енергија.
Во земјава, бизнисмените бараат Владата да обезбеди струја во периодот кој претстои по конкурентни цени за да не бидат приморани да ги затворат капацитетите и да ги отпуштат вработените.
Владата најави дека веќе следниот месец повторно ќе биде прогласена кризна состојба во енергетскиот сектор во земјава, а евентуалниот недостиг на енергенси ќе се решава во соработка со европските партнери.
.webp){kind=icon}
