text size
Големиот брз раст на производството на соларна енергија помогна овој зелен извор на енергија минатата година првпат да ги надмине термоцентралите на јаглен во Европската Унија (ЕУ), покажува извештајот.
Според податоците од истражувачкиот центар за клима „Ембер“ (Ember), пресвртот е најнов знак за падот на употребата на јаглен во ЕУ, бидејќи блокот се обидува да се оддалечи од високозагадувачкото фосилно гориво. Но успехот во европската мрежа сè уште е далеку од доволен за да се ограничи глобалната улога на јагленот, а побарувачката предводена од Кина ќе продолжи да соборува рекорди и во наредните години.
Соларното производство во ЕУ минатата година се зголеми за околу 22 отсто, на околу 304 терават-часа, според „Ембер“. Производството од јаглен, пак, падна за речиси 16 проценти, на нешто повеќе од 269 терават-часа.
Прочитај повеќе
Бирократијата и неискористените ресурси ја попречуваат зелената транзиција во регионот
Бавните регулаторни одлуки ги забавуваат клучните проекти
16.01.2025
За 10 месеци издадени 254 дозволи за енергија од обновливи извори
Од јануари заклучно со 31 октомври РКЕ има издадено лиценци за нови фотоволтаични централи со вкупно инсталирана моќност од речиси 272 мегавати.
20.11.2024
Водечките кинески компании за јаглен забрзано транзитираат кон зелена енергија
Референтните цени на јагленот годинава паднаа за речиси осум отсто, а профитот од рударството во целата индустрија се намали за 22 отсто.
04.11.2024
„Иако транзицијата на електрична енергија во ЕУ се движеше побрзо отколку што се очекуваше во последните пет години, понатамошниот напредок не може да се земе здраво за готово. Испораката треба да се забрза, особено кога станува збор за производството на електрична енергија од ветер“, рече Крис Рослоу, висок аналитичар во „Ембер“.
Движење низ годините на произведеното количество електрична енергија од сонце и од јаглен во ЕУ
Bloomberg Mercury
Додека сончевата енергија значително порасна, електричната енергија од ветерот едвај се зголеми. Ветерните електроцентрали произведоа само 1,5 отсто повеќе во 2024 година отколку претходната година. Сепак, ветерот беше поголем извор на енергија од гасните постројки втора година по ред, покажуваат податоците на „Ембер“. Производството на гас опадна за 5,6 проценти, на најниско ниво од 2015 година.
Подемот на обновливите извори на енергија беше потпомогнат и од слабата побарувачка во ЕУ, која се зголеми за околу 1,2 отсто, но сè уште е далеку под нивото забележано пред пандемијата и енергетската криза во 2022 година, кои ја намалија потрошувачката.
.webp){kind=icon}
