Европските цени на енергијата го продолжија жестокиот раст додека Русија ја зајакнува својата контрола врз снабдувањето со енергенси во регионот, дополнително загрозувајќи ја економијата и клучните пазари.
Референтниот природен гас порасна за дури 14 отсто и е над 10 пати повисок од вообичаените нивоа за овој период од годината, поради намалените испораки преку клучниот гасовод. Напливот на цените го сакати индустриското производство во Европа, ги зголемува сметките за домаќинствата и ја турка инфлацијата на највисоко ниво во последните децении. На пазарот на електрична енергија, германските фјучерси денеска дополнително се зголемија на невидени нивоа.
Европските лидери ја обвинуваат Москва дека го користи снабдувањето како оружје, иако за земјата претходно беа поставени строги ограничувања поради нејзината инвазија во Украина, која започна кон крајот на февруари.
Прочитај повеќе
ЕУ постигна договор за намалување на потрошувачката на гас
Министрите за енергетика на состанокот во Брисел дадоа зелено светло на предлогот за доброволно намалување на употребата на гас во следните месеци.
26.07.2022
Како пред зимата: Сите енергетски предизвици на Македонија и регионот
Сите земји во регионот Адрија увезуваат гас од Русија, но само Хрватска ќе може и без него. Земјата располага со доволни количества за да ги задоволи своите потреби, а во случај на потреба може и да им продава на соседните земји.
25.07.2022
Како ‚Северeн тек‘ стана толку важен за гасната војна во Европа
Гасоводот има максимален капацитет од околу 167 милиони кубни метри дневно.
20.07.2022
Ако Русија го запре гасот, ЕУ ќе има за 1,5 отсто помал БДП
Унијата планира серија препораки до земјите-членки, вклучително и намалување на користењето на греење и ладење.
19.07.2022
„Се наоѓаме во ситуација во која гасот сега е дел од руската надворешна политика и можеби дел од нејзината воена стратегија“, рече Клаус Мулер, претседател на германската федерална мрежа, во интервју за радиото Deutschlandfunk.
Испораките преку „Северен тек“, најголемата гасна врска од Русија до Европската унија, од денеска паднаа на само 20 отсто од капацитетот, според германските мрежи. Италијанската Eni SpA вели дека испораките од Русија денеска ќе бидат за околу 21 отсто помали отколку во последните денови.
„Гаспром“ предупреди за ваков развој на настаните, велејќи дека треба да отстрани турбина поради одржување. Друга турбина која беше заглавена во Канада по поправките, беше испратена назад во Русија, но допрва треба да биде повторно пуштена во употреба.
Европа се подготвува за уште потешки времиња бидејќи континентот сè уште е силно зависен од рускиот гас, иако се обидува да обезбеди алтернативни пратки. Целта на ЕУ да наполни 85 отсто од капацитетите за складирање пред зимата зависи од ограничувањето на потрошувачката на 15 отсто, план одобрен вчера, бидејќи понудата веројатно нема да се одржи дури и во услови на поддршка од пазарот на течен природен гас (ЛНГ), кој е затегнат со прекините во САД и конкуренцијата од азиските купувачи, според Bloomberg Intelligence (BI).
Boomberg
„Европските цени на гасот нагло растат и може да имаат рекордни скокови бидејќи Русија дополнително го претвора снабдувањето во оружје со потиснување на протокот преку 'Северен тек'“, велат аналитичарите на BI, Патрисио Алварез и Вил Харес.
Холандските фјучерси, кои важат за европски репер, се зголемија за 11 отсто до 222 евра за мегават-час заклучно со 9:46 часот во Амстердам, зголемувајќи се веќе шести ден по ред. Германските репери за електрична енергија го продолжија растот веќе петти ден, при што договорот за следната година се зголеми за 2,8 отсто на 385 евра за мегават-час.
„Пазарот на фјучерси останува многу нестабилен“, вели Фабијан Роенинген, аналитичар во Rystad Energy. „Неизвесностите на пазарот на гас продолжуваат да бидат двигател на цените на пазарот на електрична енергија“, додава тој.
.webp){kind=icon}
