Во „Мерцедес“ (Mercedes-Benz) се убедени дека иднината е електрична. Затоа тие продолжуваат да ја прошируваат својата експертиза во областа на електричната мобилност и развојот на технологии за погонски системи за електрични возила. Конкретно, последниот чекор на компанијата во оваа насока е истражување и унапредување на одржливата технологија за батерии со отворање на истражувачки центар (eCampus) во нејзиното седиште во Штутгарт-Унтертуркхајм.
Тоа е прв центар за развој на батерии за идните електрични возила на овој производител на луксузни автомобили. Целта, според соопштението на компанијата по повод отворањето, е да се развијат иновативни хемиски состави и оптимизирани производствени процеси за батерии со високи перформанси со „Мерцедес ДНА“ (Mercedes-Benz DNA) како и да се изгради експертиза за нивна индустријализација.
Истражувачкиот центар го покрива целиот спектар на технологија за батерии. Ова вклучува развој и евалуација на нови хемикалии, производство на ќелии на индустриско ниво и тестирање и сертификација на комплетни батериски единици.
Прочитај повеќе
„Мерцедес“ игра на сигурно со електричната Г-класа
На 23 април „Мерцедес Бенц“ го претстави својот електричен теренец од Г-класата.
04.05.2024
„Мерцедес“ ја намалува целта за продажба на електрични возила
„Мерцедес-Бенц“ предупреди дека електричните возила ќе останат поскапи во наредните години.
22.02.2024
„Мерцедес“ и „Стелантис“ блиску до задолжување од 4,4 милијарди евра за батерии
Конзорциумот за батерии предводен од „Стелантис“ и „Мерцедес-бенц“ е блиску до собирање 4,4 милијарди евра.
09.02.2024
„Отворањето на ‚Мерцедес-Бенц еКампус‘ претставува важен чекор во нашата одржлива деловна стратегија. Нашата амбиција е да играме водечка технолошка улога во електричната мобилност. еКампус нè носи поблиску до постигнување на таа цел. Работата што се прави овде ќе ни помогне да ги намалиме трошоците за батерии за повеќе од 30 проценти во наредните години“, рече Ола Каелениус, извршен директор на „Мерцедес“ на отворањето.
Ола Каелениус/Извор:Bloomberg Mercury
На официјалната веб-страница на компанијата е објаснето дека конкретно, густината на енергијата може да се зголеми до 900 Wh/l со користење на нови технологии како што се аноди со висока содржина на силициум или цврсти електролити. Единствениот начин за ефикасно зголемување на производството е преку сеопфатно познавање на клеточната хемија и дизајнот на клетките. Добиеното знаење ќе се искористи во сериското производство на батериски ќелии кај партнерските компании - за употреба во идните генерации на батерии на „Мерцедес“. Важноста на совладување на клеточната хемија за идниот развој на производи е илустрирана со технолошката програма „Вижн“ (VISION EQXX). Благодарение на моќната батерија со пионерска клеточна хемија, ова возило постави рекорди за километражата и ефикасноста за електрични возила во текот на неколку патувања, објаснуваат од „Мерцедес“.
Но, не помалку важно значење на овие истражувања и еКампус е влијанието врз животната средина во трансформацијата на автомобилската индустрија.
„Батериите со високи перформанси го формираат срцето на електрификацијата на транспортот - тие се клучот за успешна трансформација на автомобилската индустрија. Побарувачката за иновативни и одржливи батерии ќе продолжи силно да расте во Европа во наредните години. Затоа, од централно значење е Германија и Европа да ги развијат своите капацитети и особено нивната експертиза во оваа клучна технологија. Тоа не само што ја зајакнува индустриската позиција и создава модерни, издржливи работни места, туку ја зголемува и отпорноста на Европа“, рече Роберт Хабек, министер за економија и климатски активности.
Роберт Хабек/Извор:Bloomberg Mercury
Фабриката од околу 10.000 квадратни метри за индустриско производство на батериски ќелии започна со работа по период на изградба од приближно две години. Најсовремените производствени капацитети во „Индастриал Цел Лаб“ (Industrial Cell Lab) овозможуваат производство и тестирање на ќелии на батерии во индустриски размери. Секоја година овде може да се произведуваат неколку десетици илјади ќелии за развој на идните генерации на батерии. Процесот на производство ги вклучува сите чекори на производство на батериски ќелии, од производство на електрода до склопување на ќелијата, вклучувајќи полнење на електролит, формирање на првото полнење и празнење, како и финалните процеси.
Најавен е и нов објект од втората фаза, кој треба да биде завршен до крајот на оваа година, а овој најсовремен центар за тестирање и верификација, меѓу другото, ќе вклучува и капацитет за производство на батерии за производи и развој на процесот, како и различни тест-центар. На површина од околу 20.000 метри квадратни се градат најсовремени тест платформи со цел сеопфатно да се тестира и докаже безбедноста и работниот век на батериите, соопшти компанијата.
.webp){kind=icon}
