Новиот кабриолет „мерцедес-мајбах СЛ“ не е „тивок луксуз“

„Мерцедес-Мајбах“ (Mercedes-Maybach) го претстави луксузниот кабриолет на забава во Кармел, Калифорнија, во петокот вечер, како дел од новата офанзива на пазарот на модели на „Мерцедес-Бенц“ по разочарувачките резултати од првата генерација електрични возила.

„Мерцедес-мајбах СЛ 680 монограм“ од 2026 година, двосед со мек покрив, се базира на „мерцедес-АМГ СЛ 63“ и е најмалиот модерен „мајбах“ досега. Ова е најновиот доказ за посветеноста на марката кон создавање екстравагантно украсени автомобили, традиција што датира уште од отворениот „мајбах цепелин“ и „СВ 38 родстер“ од 1930-тите.

Почетокот на приказната е логото на „Мајбах“, втиснато на хромираната решетка и A-столбовите, како и задните светла со розово-златни акценти. „СЛ 680“ се нуди само во две бои - црвена гранат и бела, со црн покрив и 21-инчни тркала со повеќе краци или моноблок. Внатрешноста е достапна исклучиво во бела боја.

Мерцедес-Бенц

Директорите на „Мајбах“ велат дека впечатливата естетика на автомобилот е дизајнирана да им се допадне на релативно младите сопственици на 115-годишната марка, чиј глобален просек е 41 година, во споредба со просечната возраст на купувачите на „кадалик“ од 54 години. „Нашите клиенти бараа екстравагантни детали за дизајнот“, рече Даниел Лескоу, шеф на „Мерцедес-Мајбах“, за време на прегледот на возилото на 6 август.

„Мерцедес“ периодично воведува различни модели на „Мајбах“ од повторното лансирање на брендот со моделите „мајбах 52“ и „мајбах 62“ во 2002 година.

Компанијата помина низ уште едно ребрендирање во 2014 година, а во 2022 година ги претстави седанот „мерцедес-мајбах С680“, долг пет метри, дизајниран од Вирџил Аблох, и „мерцедес-мајбах хот воитур“ со врати покриени со букле, ткаенина што потсетува на јакна на „Шанел“. „Мерцедес-мајбах С580“ пристигна истата година, како и специјалното издание „најт сериес“ (Night Series). Електричниот теренец „мерцедес-мајбах EС“ беше лансиран во 2023 година.

Продажбата беше силна. Во 2023 година „Мерцедес-Мајбах“ продаде 27.900 возила на глобално ниво, што е зголемување од 19 отсто во споредба со 2022 година. Во првиот квартал од годинава продажбата во САД се зголеми за девет отсто.

Мерцедес-Бенц

Под хаубата, „мерцедес-мајбах СЛ“ го дели истиот В-8 би-турбомотор, со 577 коњски сили, како и „мерцедес-АМГ СЛ63“; во верзијата „мајбах“ автомобилот достигнува 100 км/ч. за четири секунди и има максимална брзина од 260 км/ч. Зголемената тежина (80 кг), специјалното приспособување на држачот на моторот, уникатниот издувен систем и дополнителен пакет за звучна изолација и апсорпција придонесуваат за помазно возење отколку во спортски приспособениот АМГ СЛ.

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

Мерцедес-Бенц

Погледнете ја галеријата

 

Проширените верзии во боја и облоги би можеле да станат достапни на СЛ 680, вели Ања Штајндл, менаџерка за бренд и комуникации за „Мерцедес-Мајбах“. Варијантата „најт сериес“, која би го отстранила целиот хром и бела боја, претставува вид на програма за приспособување што добро функционираше кај „Ролс-Ројс“ и „Mајбах“ во претходните години, создавајќи силна привлечност кај купувачите под 50 години и, на крајот, големи профитни маржи. „Имаме некои планови во нашите глави“, вели таа.

„Мерцедес-мајбах СЛ 680 монограм“ од 2026 година ќе пристигне во салоните во САД во втората половина на 2025 година; цената ќе биде објавена непосредно пред тој период и би требало да ја надмине онаа на „мерцедес-АМГ СЛ 63“ од 2024 година, која започнува од 187.000 долари.

Во моментов нема коментари за веста. Биди прв да коментира...

Остави коментар