Победничката формула на „Ламборгини“ му пркоси на падот на автомобилската индустрија

„Ламборгини“ (Automobili Lamborghini SpA) објави рекордни резултати за првите шест месеци од 2024 година додека голем дел од остатокот од автомобилската индустрија се бореше со пад на продажбата, намалени очекувања и драстично опаѓање на вредноста на акциите.

Италијанскиот производител на суперавтомобили испорача 5.558 возила до крајот на јуни, генерирајќи приход од 1,6 милијарди евра (1,762 милијарди долари), што е за 14,1 проценти повеќе од истиот период во 2023 година. Компанијата истовремено го поправи благиот пад во САД во првиот квартал од оваа година. Оперативната добивка достигна рекордни 458 милиони евра во споредба со првата половина од 2023 година.

За време на интервјуто за приходите за „Блумберг“ на 18 јули, главниот извршен директор Стефан Винкелман ги препиша резултатите на здравата дистрибуција низ светот и на преземањето „балансиран“ пристап кога станува збор за електричните возила. Односно, искористување на перформансите и опипливата возбуда на моторите со внатрешно согорување со намалените емисии обезбедени од хибридната технологија, наместо да се оди со полна брзина во секторот електрични возила.

„Ова е нешто што помага да се задржат емоциите при возењето на автомобилот, а исто така ви дава поттик кога треба да развиете моќ при ниски вртежи“, рече тој.

Оваа стратегија досега му дозволи на „Ламборгини“ да избегне повлекување од плановите за електрични возила како „Џенерал Моторс“ (General Motors Co.) и „Мерцедес“ (Mercedes-Benz Group AG.). Компанијата генерираше големи приходи и оперативна добивка од само три модели: теренецот „урус“ (Urus), суперавтомобилот „хуракен“ (Huracán) и хибридниот „ревеулто“ (Revuelto). САД остануваат на врвот на пазарот за „Ламборгини“ со 1.621 возила испорачани таму досега оваа година, а по неа се Германија (595); Велика Британија (514); Јапонија (354); Кина, Хонг Конг и Макао (337) и Италија (268).

Книгите за нарачки за трите модели на компанијата остануваат полни, со очекуваното чекање за „ревуелто“ проектирано на повеќе од две години, рече Винкелман. Времето на чекање за „урус се“, хибридна верзија на најпродаваниот СУВ што „Ламборгини“го претстави во април на меѓународната автомобилска изложба во Пекинг, се очекува да биде една година.

На 23 јули компанијата го претстави „урус се“ во Јужна Кореја, „растечки пазар кој е многу важен за нас“, рече Винкелман за време на телевизиско интервју во Сеул. Земјата беше седми по големина пазар на производителот на автомобили минатата година, добивајќи 434 возила - рекордна количина на „Ламборгини“ продадени таму.

Оптимистичките резултати на компанијата дојдоа откако извршниот директор на „Стелантис“ (Stellantis), Карлос Таварес, изјави за телевизијата „Блумберг“ на 25 јули дека „автомобилската индустрија е во превирања“. „Рено“ (Renault), „Форд“ (Ford Motor), „Нисан“ (Nissan Motor), „Тесла“ (Tesla) и „Стелантис“ (Stellantis) објавија слаба заработка. И „Порше“ (Porsche AG) ја намали својата прогноза за годината откако го презеде најголемиот удар во текот на еден ден по првична јавна понуда во септември 2022 година. Матичната компанија „Фолксваген“ ќе ја објави заработката на 1 август.

Во август, „Ламборгини“ ќе го претстави V-8 хибридниот наследник на „хуракен“за време на неделата на автомобили во Монтереј во Кармел, Калифорнија, означувајќи го завршувањето на процесот на хибридизација во целата постава на марката.

Додека компанијата си поигруваше со идејата да стане електрична, дури и да развие концепт на електрично возило, целосно електричното  „Ламборгини“останува во далечната иднина. Винкелман рече: „Хибридот е навистина нешто што ќе остане што е можно подолго од нашата гледна точка“.

Во моментов нема коментари за веста. Биди прв да коментира...

Остави коментар