Ранг-листа на најдобрите 100 ресторани во светот

Најдобар ресторан во светот е „Дисфрутар“(Disfrutar) од Барселона, според рангирањето на организацијата „Ворлдс 50 бест“ (World's 50 Best). Со незабележителен влез и многу зеленило, местото го водат готвачите Ориол Кастро, Матеу Касањас и Едуард Ксатрух - сите поранешни студенти на револуционерниот, модернистички ресторан „Ел Були“. Менито вклучува специјални јадења како што се Страв:Ракчиња (Fear:The Prawn), морска храна опкружена со (безбеден) сув мраз; гостите треба да поминат низ маглата за да стигнат до ракчињата. Има и замрзнати сендвичи со сладолед газпачо, а заштитен знак на ресторанот е панчино - пржени крофни кои кријат фил од кавијар.

„Уште еднаш, шпански ресторан е на врвот на листата и тоа е одлично“, рече Касањас во своето прво интервју по наградата. „За нас е неверојатно што можеме да го претставиме нашиот регион со овие производи, овие рецепти, овие традиции. Исклучително сме возбудени што сме број еден и што можеме да ги претставуваме овие идеи и концепти низ целиот свет“.

Шпанија доминира на листата. Три од првите пет ресторани се од таму. „Асадор Етксебари“ (Asador Etxebarri во Акспа е број 2, со мени базирано на состојки подготвени на скара. „Диверксо“ (Diverxo) од Мадрид, познат по својата екстравагантна кујна и атмосфера е на 4-то место.

Овогодинешното доделување на наградите се одржа во театарот „Енкор“ во „Вин Лас Вегас“. Тоа беше прв пат овој настан да се одржи на западниот брег на САД и последниот голем настан во Лас Вегас во годината, вклучувајќи го Супер Боул LVIII и Гран-при на Ф1 во ноември.

Готвачите, облечени во светло-црвени шамии доделени од „Вордлс 50 бест“ ја исполнија салата. Како што му доликува на Лас Вегас, фустаните беа ориентирани кон златото и среброто, а многу дами ги облекоа високите потпетици за да ја направат долгата прошетка од рецепцијата до главната сала.

На шестото место, њујоршкиот динамичен „Атомикс“ (Atomix), со корејско мени од Јунгхјун и Елиа Парк е највисоко рангиран американски ресторан. „Ова е големо признание за нашата култура и наследство, исто така ги претставува Кореја и САД заедно. Тоа е многу важно за различноста на сите култури“, изјави Елиа Парк. „Тоа е одлична можност за нас и за нашата земја“.

Следниот голем победник е „Тејбл на Бруно Вериус“ од Париз, кој се најде на третото место. „Тејбл“ ја води поранешен блогер за храна, се фокусира на состојките и е едно од ретките места на овие листи што не го води реномиран професионален готвач.

Беше добра ноќ и за Хонг Конг: „Винг“ (Wing), елегантно ново место на Вики Ченг, е највисоко пласираниот нов ресторан на 20.место. „Д Чеирман“(The Chairman) омилен на толпата, имаше најголемо подобрување во ноќта, искачувајќи се за дваесет и четири места до 26. место. Таа објава наиде на особено гласни овации од публиката.

„Хиша Франко“ од Словенија е единствениот ресторан од регионот Адрија кој се најде на листата

Минатогодишниот победник, иновативниот „Централ“ од Лима, Перу сега се пресели во категоријата „Најдобрите од најдобрите“, бидејќи повеќе не ги исполнува условите за топ 50 листата. Таа одлука да се изнуди промена на врвот на листата е во сила од 2019 година. Пред тоа двапати прв беше италијанскиот „Остерија Франческана“ (Osteria Francescana) од Модена, Италија, а пет пати првопласиран беше и „Нома“ кој планира да затвори во 2025 година.

Рестораните рангирани од 51 до 100 место беа објавени на 22 мај. Меѓу истакнатите ресторани кои паднаа на втората половина на листата се „Орфали Брос“ (Orfali Bros.) од Дубаи, кој два пати беше на врвот на регионалната листа на „Ворлдс 50 бест“за Блискиот Исток и Северна Африка. Се очекуваше дека ќе се искачи на топ листите, но наместо тоа падна од 46. на 64. место. Лондонскиот „Клов Клаб“ (Clove Club) падна за цели 40 места на 80., а угледниот „Ле Бернардин“ (Le bernerdin) од Њујорк падна од 44 на 71. место.

Пред церемонијата, „Като“ со седиште во Лос Анџелес беше прогласен за ресторан на кој треба да се внимава од страна на Реси поради неговото иновативно мени под влијание на Тајван, создадено од готвачот Џонатан Јао. Жанаина Торес од „Каса до Порко“ (Casa do Porco) од Сао Паоло ја доби наградата за најдобра жена-готвач.

„Ворлдс 50 бест“ е во сопственост на британската групација „Вилијам Рид Бизнис Медиа“. Листата датира од 2002 година. Рангирањето се базира на гласовите на 1.080 учесници од целиот свет.

 

Во моментов нема коментари за веста. Биди прв да коментира...

Остави коментар