Дали сте едни од оние што пред да постават прашање до ЧетГПТ (ChatGPT) му посакуваат добро утро, учтиво бараат помош или се заблагодаруваат на крајот од комуникацијата? Ако е така, подобро е да престанете, бидејќи овие основи на пристојноста во реалниот свет создаваат дополнителни трошоци во дигиталниот свет.
ЧетГПТ стана популарен поради неговата брзина, но и различниот начин на одговарање на прашања од неговите корисници. За разлика од пишувањето поими во пребарувач, пребарувањето одговори преку ЧетГПТ е како да се допишувате со некоја личност. Токму тоа е причината поради која некои корисници обрнуваат внимание на учтивоста во комуникацијата, исто како и кога комуницираат со луѓе.
Но понекогаш забораваме дека нема личност зад ЧетГПТ, туку алгоритми, така што сите поздрави, благодарности, барања и љубезни одговори бараат дополнително трошење енергија од него.
Прочитај повеќе
Нема веќе давање пари за дополнителни часови по математика, дојде „Умниверзум“
Академијата „Брејнстер“ ја промовираше новата ВИ-алатка, наречена „Умниверзум“, која функционира како личен тутор по математика и е наменета за средношколците во Македонија.
22.04.2025
Царините на Трамп закана за вештачката интелигенција -потфрлија нарачките на холандски АСМЛ
Холандска компанија пријави резервации од 3,94 милијарди евра, аналитичарите очекуваа близу милијарда повеќе
16.04.2025
Кога Закерберг и Маск ќе почнат да управуваат со сообраќајот
Непознати хакери ги замениле официјалните аудиокоманди на пешачките премини со гласовите на познатите технолошки милијардери.
19.04.2025
На Македонија ѝ треба помош од ВИ за креирање стратегија за ВИ
Национална стратегија за ВИ нема, но преку Националната ИКТ-стратегија МДТ ја препознава вештачката интелигенција како клучна компонента за идниот дигитален развој на земјата.
17.04.2025
Дорси и Маск: Да ја укинеме заштитата на интелектуалната сопственост
Технолошкиот могул Џек Дорси предлага укинување на заштитата на интелектуалната сопственост
14.04.2025
„Опен еј-ај“ тврди дека Маск игра безмилосно за превласт во вештачката интелигенција
„Опен еј-ај“ го повика судот да му нареди на најбогатиот човек во светот да престане со својата негативна кампања.
10.04.2025
Тоа го потврди извршниот директор на „Опен еј-ај“ (OpenAI), Сем Алтман. Откако извесен корисник на социјалната мрежа Х прашал колку ја чини компанијата пишувањето „ве молам“ и „благодарам“ во ЧетГПТ, шефот на компанијата напишал дека станува збор за десетици милиони долари.
„Десетици милиони добро потрошени долари, никогаш не се знае“, напиша Алтман во коментар.
Зошто љубезноста е трошок за „Опен еј-ај“?
Иако шефот на „Опен еј-ај“ одговори со хумористичен тон, може да се заклучи дека зголемените трошоци се реалност. За што всушност станува збор и зошто љубезноста кон алатките за вештачка интелигенција (ВИ) дополнително ги чини компаниите?
Иако испраќањето дополнителни љубезни пораки и благодарност може да изгледаат тривијално, тоа носи технички последици. Имено, секоја дополнителна фраза бара поголема процесорска моќ и зголемена побарувачка на центрите за податоци што го движат ЧетГПТ. Сето тоа создава дополнително компјутерски оптоварувања.
Покрај тоа, системите со високи перформанси не само што бараат огромни компјутерски ресурси туку и генерираат топлина, што бара софистицирани системи за ладење. Сето тоа ја зголемува потрошувачката на електрична енергија, а со тоа и трошоците.
Дополнителна штета за околината
Токму поради огромната потрошувачка на енергија, ова не е само финансиски туку и еколошки проблем. „Вашингтон пост“ (Washington Post) во соработка со истражувачите од Универзитетот во Калифорнија спроведе студија што покажа дека за генерирање само еден електронски мејл се потребни околу 0,14 киловат-часа електрична енергија. Значи, ако ѝ праќате прашање на вештачка интелигенција секој ден во годината и добивате одговор со големина приближно колку на еден мејл, ќе потрошите електрична енергија колку девет домаќинства во Вашингтон.
Со оглед дека илјадници, ако не и милиони луѓе испраќаат прашања секој ден, влијанието не е занемарливо. Додајте на тоа дека центрите за податоци што се користат за напојување на овие четботови веќе трошат околу два отсто од светската потрошувачка на енергија, бројката најверојатно ќе продолжи да расте бидејќи вештачката интелигенција ќе проникне во секој агол од секојдневниот живот.
Дали треба да бидеме љубезни со вештачката интелигенција?
За многумина, меѓутоа, останува важно прашањето дали сепак треба да бидеме љубезни со сите, вклучувајќи ја и вештачката интелигенција. Истражувањето спроведено кон крајот на 2024 година во САД покажа дека 67 отсто од корисниците се пријателски расположени кон четботовите. Мнозинството испитаници, 55 отсто, сметаат дека е правилно да се комуницира на овој начин, а интересно е што 12 отсто го прават тоа за да не се сврти вештачката интелигенција против нив доколку некогаш ги совлада луѓето.
Но мислењата генерално се разликуваат. Додека некои тврдат дека е непотребно да се биде учтив кон вештачката интелигенција, водачот на дизајнот на „Мајкрософт“, Кертис Биверс, верува дека правилниот бонтон помага да се создадат резултати што вклучуваат почит и соработка. Причината за тоа е што вештачката интелигенција реагира на тонот со кој некој ѝ се обраќа и ја мери учтивоста, па затоа е поверојатно да им одговори учтиво на оние што ѝ се обраќаат учтиво.
.webp){kind=icon}
Во моментов нема коментари за веста. Биди прв да коментира...