Австралија ги забрани услугите на „Дипсик“ (DeepSeek AI) на сите владини системи и уреди, станувајќи една од првите земји што презедоа директни мерки против кинескиот стартап за вештачка интелигенција, кој годинава ги потресе Силициумската Долина и глобалните пазари.
Министерот за внатрешни работи Тони Бурк во изјава во вторникот рече дека сите производи, апликации и услуги на „Дипсик“ ќе бидат отстранети од владините системи поради национална безбедност, со моментално дејство. Процената на заканите од страна на разузнавачките агенции на земјата откри дека технологијата претставува неприфатлив ризик, рече тој.
Основана во Хангжу пред само 20 месеци, технологијата на „Дипсик“ направи бранови во јануари со нова мобилна апликација, која вклучува четбот со вештачка интелигенција (ВИ) за резонирање - кој го артикулира својот процес на размислување и истражување пред да даде одговор - што покажа дека врвна ВИ може да се развие без огромни инвестиции во хардвер. Ваквата привлечност ја доведе апликацијата на врвот на светските листи за преземање. Сепак, брзо се појавија сомнежи за безбедноста на услугата.
Прочитај повеќе
„Дипсик“ ја заобиколил забраната за набавка на чипови од „Енвидија“?
Американските власти истражуваат дали „Дипсик“ купил напредни чипови од „Енвидија“ во Сингапур преку трети лица...
31.01.2025
„Дипсик“ или како Кина развива своја вештачка интелигенција
Со пробивот на Дипсик, се поставува прашањето дали кинескиот претседател во својата новогодишна порака алудирал токму на него.
30.01.2025
„Алибаба“: Имаме вештачка интелигенција што ги надминува „Опен еј-ај“ и „Гугл“
Нов играч во вештачката интелигенција – по „Дипсик“, сега „Алибаба“ најавува уште помоќен модел.
29.01.2025
Дали „Дипсик“ украде технологија на „Опен еј-ај“?
Се истражува дали група поврзана со развојот на стартапот „Дипсик“ стекнала технолошки тајни на „Опен еј-ај“.
29.01.2025
„Дипсик“ уште повеќе ќе ја поттикне индустријата, велат инвеститори
Инвеститорите во ризичен капитал не се вознемирени од подемот на кинеската вештачка интелигенција.
28.01.2025
„Вештачката интелигенција е технологија полна со потенцијал и можности, но владата нема да се двоуми да дејствува кога нашите агенции ќе идентификуваат ризик за националната безбедност“, наведе Бурк во изјавата. За да ги спречи критиките дека Австралија дејствува против апликацијата само поради нејзиното кинеско потекло, тој додаде дека пристапот на владата е „неутрален кон земјата и фокусиран на ризикот за австралиската влада и нашите средства“.
Мерката не се однесува на личните уреди на приватните граѓани, но Бурк во својата изјава ги охрабри сите Австралијци да размислат како нивните податоци се користат онлајн и да преземат чекори за „да го разберат своето онлајн присуство и да ја заштитат својата приватност“.
Австралија не е првата земја што презеде мерки против „Дипсик“. Италијанскиот регулатор за приватност нареди да биде блокиран за да се заштитат податоците на потрошувачите, додека Ирската комисија за заштита на податоците побара повеќе информации од компанијата. Стотици приватни компании исто така презедоа мерки на претпазливост за блокирање на пристапот до „Дипсик“, објави „Блумберг њуз“ минатата недела.
.webp){kind=icon}