Протерувањето и брзото враќање на Сем Алтман на позицијата лидер на „Опен еј-ај“, стартапот за вештачка интелигенција што тој го коосноваше, беше кулминација на долготрајниот судир на светогледи што беше маскиран со неверојатниот успех на компанијата. Од една страна беа комерцијалните амбиции на Алтман и главниот партнер на „Опен еј-ај“ (OpenAI), „Мајкрософт“ (Microsoft Corp). Од друга беа членовите на одборот кои се загрижени дека вештачката интелигенција еден ден може да го избрише човештвото. Таа грижа е двигател на движењето на ефективниот алтруизам, кое стана влијателна сила во Силициумската долина и индустријата за вештачка интелигенција.
1. Што е ефективен алтруизам?
Тоа е движење кое има за цел да користи истражување и расудување за да ги реши најитните глобални проблеми во корист на максималниот број луѓе. Тоа ги одразува идеите на Питер Сингер, морален филозоф и професор по биоетика на Универзитетот Принстон, кој тврди дека луѓето треба да ги трошат своите ресурси за да спасат што е можно повеќе животи, особено во делови од светот каде што животот може да се спаси за релативно ниско ниво на трошок. Ефективниот алтруизам е поврзан со концептот на утилитаризам, етичка теорија која го нагласува максимизирањето на нето доброто во светот. До почетокот на 2010-тите, ефективниот алтруизам поттикна неколку непрофитни организации кои ги насочија донаторите кон купување мрежи за маларија во субсахарска Африка, донирање бубрези во случај на смрт и дистрибуција на медицински материјали во неразвиените земји.
Тој ги освои директорите на „Опен еј-ај“ затоа што изгледа дека ги препознава егзистенцијалните закани што ги презентира вештачката интелигенција
20.11.2023
2. Како беше вклучена вештачката интелигенција?
Во текот на изминатата деценија, ефективниот алтруизам ја прошири својата мисија кон спречување на идни сценарија во кои луѓето би можеле да исчезнат, како што се нуклеарна војна и пандемии. Исто така, на таа листа е апокалипсата од вештачката интелигенција. Од раните 2000-ти, неколку теоретичари за вештачка интелигенција поставија теза дека појавата на моќна вештачка интелигенција може да значи опасност или дури и суден ден за човештвото. Идејата го поттикна полето на развој на безбедноста на вештачката интелигенција, што има за цел да спречи катастрофални исходи од градењето на вештачката интелигенција. Безбедноста на вештачката интелигенција беше прифатена како важна причина од големите личности од Силициумската долина кои веруваат во ефективен алтруизам, вклучувајќи ги Питер Тиел, Илон Маск и Сем Бенкмен-Фрид, основачот на крипто берзата ФТХ, кој на почетокот на ноември беше осуден за голема измама.
3. Зошто постои загриженост за вештачката интелигенција?
Ефективните алтруисти стравуваат дека моќта на вештачката општа интелигенција еден ден ќе ги надмине рационалните луѓе и ќе ја наведе технологијата да се сврти против човештвото. Одлуките што ги носат претприемачите и програмерите денес, неотповикливо ќе го обликуваат текот на човештвото, веруваат тие, и затоа индустријата мора да ги препознае влоговите на овој момент и да направи мудри избори. Овие далечни причини спаѓаат во гранката на ефективен алтруизам „longtermism“која ја нагласува моралната вредност на идните луѓе и обврската на оваа генерација да ги заштити нивните интереси. Од друга страна постои гранка наречена „neartermism“ што ги опишува причините што ги засегаат луѓето што живеат денес, како што е спречувањето на ширење на одредена болест болеста.
4. Како ова влијаеше на она што се случи во „Опен еј-ај“?
Основана со мисија „да се осигура дека вештачката интелигенција има корист за целото човештво“,„ Опен еј-ај“ требаше да биде противтежа на напорите водени од профит во лабораториите на технолошките гиганти како што е „Гугл“ (Google) на „Алфабет“(Alphabet Inc). Членовите на управниот одбор на „Опен еј-ај“ имаа врски, од минатото и од сегашноста, со ефективно движење за алтруизам. Стартапот започна како непрофитна организација, но додаде подружница за профит за да може да ги собере огромните суми пари што му се потребни за управување со технологијата што на која се базираат „Чет ГПТ“ (ChatGPT) и „Дали“ (DALL-E). „Опен еј-ај“ привлече милијарди долари од „Мајкрософт“ и од октомври ја зголеми својата вредност на 86 милијарди долари. Тоа доведе до тензија помеѓу комерцијалните амбиции на „Опен еј-ај“- водени од Алтман и „Мајкрософт“ и загриженоста од некои членови на одборот за пребрзо туркање на развојот на вештачката интелигенција.
Вашата претплата не може да се зачува. Ве молиме обидете се повторно.
Околу 70 отсто од клучните модели на вештачка интелигенција од 2017 година се развиени во САД, додека европските компании имаат многу мал удел во оваа област.
Макрон на Самитот на вештачката интелигенција во Париз ненадејно ги претстави Европската унија и Франција како атрактивна почва за нов пробив во развојот на вештачката интелигенција.
Србија инвестира во суперкомпјутер, Македонија ги усогласува регулативите со ЕУ, додека Франција ги предводи европските инвестиции во вештачката интелигенција.
„Опен еј-ај“ е на прагот на рекорден круг на финансирање во вредност од 40 милијарди долари, кој е предводен од „Софтбанк“, а вклучува уште неколку големи инвеститори.
Германската компанија „Исар аероспејс“ ќе ја лансира ракетата „Спектрум“ за првпат на 27 март 2025 година, со цел да ѝ понуди на Европа независен пристап до вселената.
„Епл“ развива функција за визуелна интелигенција и камери за своите часовници и други уреди, со што влегува на пазарот на носливи уреди со вештачка интелигенција.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
