Златото остана најбезбедното засолниште за инвеститорите по објавувањето на долгонајавуваните царини на Трамп. Трката по нов дневен рекорд продолжува, што има позитивно влијание на салдото на златните резерви на централните банки. Златните резерви на Народната банка на Македонија од 2019 година до февруари годинава се зголемија повеќе од двапати, односно од 256 милиони евра на 605 милиони евра.
На рекордната цена на металот се радуваат и оние што купиле и добиле златници порано. Еден од начините да се дојде до златник е да се купи од НБРМ. Таа ги продава и пригодните пари за кои одлучува Владата и сопствените ковани пари за колекционерски цели. Во согласност со регулативата, Владата носи одлука за издавање пари од благородни метали по повод јубилеи.
Меѓу првите златници што ги издала државата е „златниот денар“ од 1996 година, првата пригодна пара од осамостојувањето. Имало 1.100 примероци, од злато од 22 карата, со пречник од 28,4 милиметри и тежина од 16 грама.
Прочитај повеќе

Златото достигна нов рекорд поради царинската треска на Трамп
Статусот на сигурно засолниште на благородниот металот се истакна кога златото порасна за дури 1,1 проценти во азиското тргување по обраќањето на претседателот во Роуз Гарден.
03.04.2025

Златната треска ги зафати Македонија и регионот Адрија
Цената на златото забрзано расте поради зголемената побарувачка поттикната од геополитички превирања, кои се закануваат да ја променат од корен светската економија.
28.03.2025

Среброто во сенка на златото - дали е ова правата можност за инвестирање?
Цената на унца сребро моментално е околу 31 долар, додека иста тежина на златото чини нешто повеќе од 3.000 долари.
20.03.2025

Златото забрзано се преместува од Лондон во Њујорк
Цената на златото помести неколку рекорди од почетокот на 2025 година
18.03.2025

Цената на овие 16 грама варира затоа што Народната банка, во согласност со одлуката за утврдување на начинот на пресметка на продажната цена на пригодни ковани пари, ја следи цената на Лондонската берза и ја менува секој петок, а таа претставува збир од: вредноста на златото односно вредноста на среброто изразена во денари, фиксни трошоци за изработка и ДДВ.
Состојбата со златници е иста, вредноста над 23.000 евра поголема
На 31 декември лани НБРМ располагала вкупно со 173 златници и 19 сребреници. Во однос на претходната 2023 година немало промени кај златниците, а биле продадени пет сребреници.
Според извештајот на независниот ревизор за финансиското работење на НБРМ во текот на 2024 година, на 31 декември 2024 година состојбата на кованите пари од благородни метали изнесува 7.594 илјади денари (123.500 евра), а во 2023 година - 6.082 илјади денари (99.000 евра).
Пригодни ковани пари по повод 30-годишнината од автокефалноста на МПЦ/НБРМ
Голем интерес и за колекционерските пари
НБРМ по закон може да продава и пари за колекционерски цели, а досега на домашниот пазар се продадени вкупно 2.589 парчиња, со вредност од 9,6 милиони денари (156.000 евра).
„Со анализа на динамиката на продажба, може да се заклучи дека постои голем интерес за сите ковани пари за колекционерски цели. Ова го потврдува и фактот што за продажба се останати минимални количини од само неколку видови, додека сите преостанати се распродадени непосредно по нивното пуштање во продажба“, велат од НБРМ за „Блумберг Адрија“.
Кована пара за колекционерски цели: „КИРИЛ И МЕТОДИЈ“ - 1.000 денари/НБРМ
Народната банка досега има издадено 9 единечни изданија и уште 45 различни видови поделени во шест серии на ковани пари за колекционерски цели, главно станува збор за хороскопски знаци и светци.
„Tие се изработени од благородни, неблагородни метали и разни легури, а се разликуваат од кованите пари во оптек по дизајнот, големината, бојата, формата и тежината. Во зависност од нивната изработка (особено материјалите за изработка и тежината), продажната цена се движи од 1.500,00 до 49.000,00 денари“, велат од НБРМ.
Законот за пригодни и ковани пари предвидува дека тие што не се продадени може да се претопат во монетарно злато пет години по нивното издавање.